لە شاری دارمشتاتی ئەڵمانیا خێوەتی پرسە دانرا بۆ شەهیدان رێنجبەر گیڤارا (حەسەن ئاگریمان)، شەڕگەر جاف (سەروەت حەسەن)، باوەڕ مەد (دیجلە یەمەن)، دڵشێر چیاڕەش (محەمەد شاکر ئالیچی) کە لە ١٦ ی ئایار بەهۆی هێرشی دەوڵەتی تورک لە هەرێمی بەستا شەهیدبوون.

ئەندامانی کۆمەڵەی بریندارانی کوردستان و کۆمەڵەی بنەماڵەی شەهیدان و ژمارەیەک لە کوردستانیان بەشداری مەراسیمەکەیان کرد.

لە مەراسیمەکەدا ئامادەبووان خولەکێک وەستان بۆ گیانی شەهیدان، پاشان بەناوی بنەماڵەی شەهیدانەوە وتەیەک پێشکەش کرا و بەڵێن دووپاتکرایەوە بۆ درێژەدان بە ڕێگەی شەهیدان و بەهێزکردنی تێکۆشانەکەیان.

مەراسیمەکە بە گوتنەوەی دروشمی "شەهید نامرن" کۆتایی هات.