چالاکوانانی بزووتنەوەى گەنجانی شۆڕشگێڕ لە ناوچەى مارینگنانی مارسیلیا لە چوارچێوەی هەڵمەتی "وەرن جەنگی ئازادییە" بۆ ئازادیی عەبدوڵا ئۆجالان رێبەری گەلی کورد رژانە سەر شەقامەکان و کۆبوونەوەیەکیان رێکخست.

چالاکییەکە بە خولەکێک رێزگرتن بۆ یادی شەهیدانی شۆڕشی کوردستان دەستیپێکرد.

دوای ئەوە بە ناوی گەنجانەوە راگەیاندراوێک خوێندرایەوە و تیایدا باس لە هێرشە داگیرکەرییەکانی دەوڵەتى تورک، گوشاری وڵاتانی ئەوروپی و گۆشەگیریی قورسی سەر عەبدوڵا ئۆجالان رێبەری گەلی کورد کرا.

گەنجان رایانگەیاند، "تاوەکو رێبەر ئاپۆ لە رووی جەستەییەوە ئازاد نەبێت ئێمە لە گۆڕەپانەکان دا دەمێنینەوە و بەردەوام دەبین لە چالاکییەکانمان".

چالاکییەکە بە وتنەوەى دروشمەکانی "بژی سەرۆک ئاپۆ" ، "بژی بەرخودانی پەکەکە" و "بێ سەرۆک ژیان نابێت" کۆتایی پێهات.

ژ.ت