گەنجانی ئەنتەرناسیۆنالیست لە شاری تۆرینۆی ئیتاڵیا بۆ ئازادی جەستەیی ڕێبەر ئاپۆ ڕژانە گۆڕەپانەکان. لە چالاکییەکەدا هێرشەکانی دەوڵەتی داگیرکەری تورک بۆ سەر ڕۆژئاوا و شەنگال شەرمەزارکران.

ئاڵای ڕێبەر ئاپۆ و ئاڵایەکی مەزنی تەڤ_دەم و پانکات بەرزکرانەوە. لەسەر دیوارەکان پۆرترەیتی ڕێبەر ئاپۆ نەخشێنرا و نووسرا " Liberta per Ocalan" (ئازادی بۆ ئۆجالان).

لەبەردەم بینای ناوەندی هەواڵ ڕێپێوانەکە وەستا، ژنانی ئەنتەرناسیۆنالیست باسی ڕۆڵی میدیایان کرد. لە ڕاگەیاندراوەکەدا دووپاتکرایەوە ئەوانەی هێرشەکانی دەوڵەتی تورک و ئیسرائیل لە میدیا بڵاوناکەنەوە، دەستیان لە خوێنی گەلی کورد و فەڵەستیندا هەیە.

هەروەها جەختکرایەوە، کارگەی چەکی لیۆنارۆ لە تۆرینۆ ڕۆڵی لەم هێرشانەدا هەیە، گوترا: "بۆ گەلانی بندەست، بێجگە لە ئازادی ڕێبەر ئاپۆ هیچ چارەسەرێکی تر نییە. ئامانجی سەرەتای گەنجانی ئەنتەرناسیۆنالیست، شکاندنی گۆشەگیری و مسۆگەرکردنی ئازادی جەستەیی ڕێبەر ئاپۆیە".

چالاکوانان بڵاوکراوەیان بە دیوارەکاندا هەڵواسی کە باس لە هاوکاری سەرۆکی دەوڵەتی ئیتاڵیا جۆرجیا میلۆنی و ئەردۆگان دەکات.

لە چالاکییەکەدا درووشمی "بژی سەرۆک ئاپۆ" و "بژی پەکەکە" و "بژی بەرخۆدانی ڕۆژئاوا" و "ژن، ژیان، ئازادی" و "شەهید نامرن" بەرزکرایەوە.