بەرەبەیانی ئەمڕۆ جارێکی دیکە لە دەریای مەڕمەڕە بە گوڕی ٤.١پلەی ڕێختەر بوومەلەرزەیەک ڕوویدا.

لە ڕاگەیاندراوی سەرۆكایەتی بەڕێوەبردنی كارەسات و باری لەناكاو (AFAD)لە هەژماری خۆی لە میدیای دیجیتاڵ بڵاوکردووەتەوە، ئاماژەی بەوەکردووە بوومەلەرزەکە لە کاتژمێر ٠٧:١٠ لە کەناراوەکانی بویوکچەکمەجە ڕوویداوە. قوڵی بوومەلەرزەکە ٧ کیلۆمەتر بووە.

بە گوێرەی ئاماری کاندیلی گوڕی بوومەلەرزەکە ٤.٦پلەی ڕێختەرە بووە و لە قوڵای ١٦.٩کیلۆمەترەوە ڕوویداوە.