دوێنی ئێوارە ٢٣ی نیسانی ٢٠٢٥ دووەمین فێستیڤاڵی فیلمی کوردی دۆسڵدۆرف بە نمایشکردنی فیلمی "کچ و منداڵ" لە دەرهێنانی بەنەڤشا بێریڤان دەستیپێکرد. دەیان دەرهێنەر، ئەکتەر و سینەماکار و دەرهێنەری هونەری بەشدارییان لە مەراسیمی نمایش کردنەکەدا کرد.

هەروەها بەدەیان هونەرمەند، نووسەر، شانۆنووس، فۆلکلۆریست، شاعیر و مۆسیقاژەن، هونەرمەندانی وەک شەمدین، بەرفین ئەمەکتار، جەواد مەروانی، یونس بەهرام، حەکیم سەفکان، بەرماڵ چەم، سۆسن، هاکان ئاکای، جانێ، دیار، یڵماز بەیازگول، سری ئایهان و سەرحەد چارنەوا، بەشداریان کرد.

فێستیڤاڵەکە کاتژمێر ٢٠:٠٠ بە نمایشکردنی فیلمی 'کچ و منداڵ' دەستیپێکرد.

ئەو فیلمانەی ئەمڕۆ نمایش دەکرێن

لە دووەمین فێستیڤاڵی فیلمی دۆسڵدۆرفدا، ئەمڕۆ لە سینەمای ئوفا پاڵاست ٢ و لە سینەمای مەترۆپۆل ١٠ فیلمی درێژ و کورتە فیلم نمایش دەکرێن. هەروەها نمایشێکی تایبەت سەبارەت بە باوکی تەیار لە سینەما مەترۆپۆل بەڕێوەدەچێت.

لە ئوفا پاڵاست؛

کاتژمێر ٢٠:٠٠ی شەو: فیلمی 'پێشی شەوێ' نمایش دەکرێت. فیلمی دەرهێنەر عەلی کەمال چنارە لە  ٦٠ خولەک پێکدێت، لە ساڵانی دواییدا بە فیلم و کارەکتەرەکانی سەرنج ڕاکێشە.

کاتژمێر ٢١:٥٠: فیلمی دیکۆمێنتاریی 'ئاسادور'کە لەلایەن ئۆنور گولەرەوە وێنەی گیراوە، ماوەی ٥٠ خولەک نمایش دەکرێت.

بەرنامەکانی سینەما مەترۆپۆل بەم شێوەیەیە:

کاتژمێر ١٦:٠٠: دوو فیلمی دیکۆمێنتاری لەسەر جینۆسایدی ئەنفال یەک لە دوای یەک نمایش دەکرێت. فیلمە دیکۆمێنتارییەکانی '٩٨٠' و 'وێنە نەبینراوەکانی ئەنفال' هەریەکەیان بۆ ماوەی ٢٧خولەک نمایش دەکرێت. هەوراز محەمەد دەرهێنەری فیلمە دیکۆمێنتارییەکە لەوێ ئامادە دەبێت.

ئەمڕۆ کاتژمێر ١٧:٠٠ لە سینەمای مەترۆپۆل کورتە فیلمەکان نمایش دەکرێت. کورتە فیلمەکان بەم شێوەیەن:

زمان: ٨ خولەک

A Coffin For Life: ١٣خولەک

سۆرن: ١٣خولەک

زەریا: ١٢ خولەک

Wahit Dream: ١٠ خولەک

Distant: ١٧خولەک

ئزدا: ١٤ خولەک

کاتژمێر ١٩:٢٠

فیلمی دیکۆمێنتاریی 'سەرێکانی' لە دەرهێنەری ئۆلمۆ کۆتۆ ٦٠ خولەک نمایش دەکرێت. فیلمە دیکۆمێنتارییەکە بۆ یەکەمجار لە جیهاندا نمایش دەکرێت.

کاتژمێر ٢١:٠٠

هەروەها کاتژمێر٢١:٠٠ بۆ یادی شانۆنووس باوکی تەیار کە لە بەنداوی تشرین داشەهید بوو، نمایشێکی تایبەت بەڕێوە دەچێت. سێ کورتە فیلم بۆ بەبیر هێنانەوەی باوکی تەیار نمایش دەکرێن. فیلمەکان وەهایە:

هات نەهات: ٥خولەک

مژدە ‌هێنەر: ٤خولەک

کرمی دار: ٢١ خولەک.