ماوەی چەند ڕۆژێکە دووبارە گرژی و ئاڵۆزییەکانی نێوان ئێران و ئەمریکا لە عێڕاق سەری هەڵدایەوە، ئەمریکا سزای خستە سەر ئیرەج مەسجدی باڵیۆزی ئێران لە عێراق. لە وەڵامی ئەو هەڵوێستەشدا ئیرج مەسجدی ڕایگەیاند: "خۆشحاڵم بەو هەڵوێستەی ئەمریکا".

دوێنێ وەزارەتی دەرەوەی ئێران وەک وەڵامیک بۆ ئەو هەڵوێستەی ئەمریکا، سزای خستە سەر ماسیۆ تولەر نێردراوی ئەمریکا لە عێڕاق و جێگرەکەی و هەروەها کۆنسوڵی ئەمریکا لە هەولێر، بەوەش تۆمەتباریانی کرد کە دەستیان هەبووە لە کوشتنی قاسم سلێمانی لە بەغداد.

بەڵام ئەوەی تاکو ئێستا ڕوون نییە هەڵوێستی عێڕاقە، تاکو ئێستا عێڕاق خۆی پاراستوە و نەبوە بە لایەنگر، بەڵام مامەڵەکردن لەگەڵ هەڵویستی لەم شێوەیەی نێوان هەردو وڵاتدا پێویستە عێڕاق ڕونکردنەوە بدات.

هەروەها زۆربەی ڕاگەیاندنە عێڕاقیەکان پێیان وایە ئەگەر مامەڵە لەگەڵ ئەم ڕەوشە نەکرێت و سنوری بۆ دانەنرێت ئەوە عێڕاق دەبێتە گۆڕەپانی جەنگ و شەڕێکی ماڵ وێرانکەر لە پێشیدا دەبێت.

ژ.ت