تورکیایە یەکێکە لە ٤٦ وڵاتەکەی ئەندامی کۆنسەی ئەوروپا، کۆمیسەری مافەکانی مرۆڤی کۆنسەی ئەوروپا، دونجا میجاتۆڤیچ پەیوەست بە ئازادی ڕادەربڕین و میدیا گوتی: "ڕۆژنامەوانان و داکۆکیکارانی مافی مرۆڤ و جڤاکی مەدەنی لەنێو ستەم و فشاری یاسایی سیستەماتیکی دوژمنانەدا، درێژە بە کار و خەبات دەدەن".

ڕایگەیاند ڕێگری لە خەباتی ئازادی ڕادەربڕین بۆتە مایەی چەندین پێشێلکاری مافی مرۆڤ و "گەیشتۆتە ئاستێکی مەترسیدار".

کۆمیسەر ڕایگەیاند ئەم ڕەوشە بۆتە هۆی خۆسانسۆرکردنی ڕۆژنامەوانان و چاپەمەنی سەربەخۆ، هەروەها تیشکی خستەسەر فشار و کپکردنی سیستەماتیکی دەنگە ڕەخنەگرەکان لەنێو ڕۆژنامەوان و پارێزەراندا.

سەرۆکی کۆنسەی ئەوروپا بۆشناکی میجاتۆڤیچ نیگەرانی خۆی دەربڕی بەرامبەر سنووردارکردنی ئازادی و "فشاری دڕندانەی پۆلیس" و "گرتنی بەکۆمەڵ" و دادگاییکردنی خۆپیشاندانی ئاشتیانە.

کۆمیسەر دەربارەی قەدەغەکردنی خۆپیشاندانی ئاشتیانە نیگەرانی دەربڕی و گوتی: "بەتایبەت جێی نیگەرانییە کە ڕێپێوانەکەی ئیستەنبوڵ بەبۆنەی ٨ ی ئادار، ڕۆژی جیهانیی ژنانەوە، ٨ ساڵە قەدەغەکراوە".

هەروەها سەربەخۆنەبوونی دادوەریی وەک مەترسییەکی وجودی لەسەر سەروەریی یاسا ناساند.

کۆمیسەر بانگەوازی لە ئەنقەرە کرد، زیندانیانی ویژدانی ئازاد بکات، چاو بە یاساکانیدا بخشێنێتەوە و بڕیارەکانی دادگای مافەکانی مرۆڤی ئەوروپا جێبەجێ بکات.