کوردستانیانی نیشتەجێی ئەسینای پایتەختی یۆنان بە مەبەستی پشتیوانی لە لێقەوماوانی بومەلەرزە دەستیان بە هەڵمەتێک کرد. لە چوارچێوەی هەڵمەتەکەدا کوردان لە زۆر شەقام و وێستگەی میترۆ کۆبوونەوە و بڵاوکراوەی ئاگادارکردنەوەیان دابەش کرد.

گەنجان لەبارەی کەمپینەکەوە راگەیەندراویان بڵاوکردەوە و وتیان، " لە ئەنجامی بومەلەرزەکەدا بە هەزاران مرۆڤ ژیانیان لەدەستداوە و بە هەزاران مرۆڤیش لە ژێر داروپەردووی خانووە رووخاوەکاندان. ئێمە وەک کوردستانیانی دانیشتووی ئەسینا سەرەخۆشی لەو بنەماڵانە دەکەین کە کەسوکاریان لە بومەلەرزەکەدا لەدەستداوە و هیوای چاکبوونەوەش بۆ برینداران دەخوازین. نەک بومەلەرزە، بەڵکوو دەسەڵات مرۆڤەکان دەکوژێت. ئێمە داوا لە هەموو کەس دەکەین پشتیوانی دەرببڕن. وەرن پێکەوە هاوکارییەکانمان لە رێگەی مانگی سوری کوردستانەوە رەوانە بکەین".

هـ . ب