لە زۆر شاری وڵاتانی ئەوروپا هێرشی داگیرکەری دەوڵەتی تورک بۆسەر هەرێمەکانی پاراستنی میدیا و هاوکاری پەدەکە بە ڕێپیوان و میتینگ شەرمەزارکران.

ئۆسلۆ

لە ئۆسلۆ پایتەختی نەرویچ بە پیشەنگایەتی نەجەدەکە هێرشی داگیرکەری شەرمەزارکرا.

کوردستانیان لەبەردەم کۆنسۆڵخانەی تورک کۆبونەوە و هێرشی داگیرکەری بە پشتگیری پەدەکە شەرمەزار کرد. لە راگەیەنراوێکدا کە لەلایەن ئایسەر یوجە هاوسەرۆکی نەجەدەکە ئۆسلۆ خوێندرایەوە، راگەیەنرا کە گەلی کورد بێدەنگ نامێنێت و بەرخۆدان دەکەن.

لەسەر ناوی پارتی سەوزی نەرویچ هێرشەکانی سەر هەرێمەکانی پاراستنی میدیا شەرمەزارکران.

لە چالاکیەکەدا سڵاو لە بەرخۆدانی گەریلا کرا.

هەلسنکی

لە هەلسنکی پایتەختی فینلەنداش کوردستانیان و دۆستەکانیان بە هەمان مەبەست لە کاتژمێر ١٥:٠٠ کۆبونەوە هێرشی داگیرکەری و هاوکاری پەدەکەیان شەرمەزار کرد.

چالاکیەکە بە بەشداری تەڤگەری گۆڕان و کۆمەڵە و ڕێکخستنی کوردستانی پارتی کۆمۆنیستی ئێران ئەنجامدرا. لە چالاکیەکەدا ئاڵاکانی پەکەکە، ڕێکخستنە کوردیەکان و وێنەری ڕێبەر ئۆجالان بەرز کرانەوە.

لە قسەکردنەکاندا باسی ئەوە کرا کە هێرشەکان بە بەشداری پێشمەرگەی رۆژ و زێرەڤانی ئەنجام دەدرێت و هێرشی داگیرکەری و هاوکاری پەدەکە شەرمەزارکرا.

کوردستانیان بە زمانی کوردی و فینلەندی بڵاوکراوەیان لەنێو هاوڵاتیاندا بڵاوکردەوە.

ئارهوس

لە شاری ئارهوسی دانیمارک هێرشی داگیرکەری و خیانەتی پەدەکە شەرمەزارکرا.

کوردستانیان و دۆستەکانیان لە گۆڕەپانی شارەوانی کۆبونەوە و چالاکی شەرمەزارکردنیان ئەنجامدا. چالاکی لەلایەن راگەیاندنەکانی دانیمارک و عەرەبیەوە ڕۆماڵکرا.

لە چالاکیەکەدا ماریا تەمپانۆرەسی پەرلەمانتار وسەی کرد و سڵاوی بۆ بەرخۆدانی گەریلا نارد.

چالاکی بە دروشمی بژی سەرۆک ئاپۆ و بمرێت خیانەت کۆتایی هات.

باسیل

لە شاری باسیلی سویسرا بە هەزاران کەس لەبەرانبەر هێرشی داگیرکەری کۆبونەوە.

زۆر کەسایەتی ئەو وڵاتەش بەشداریان کرد و بە هەزاران کەس بەشدار بوون و ئاڵاکانی پەکەکە و وێنەی عەبدوڵلا ئۆجالان ڕێبەری پەکەکە بەرزکرانەوە.

لە چالاکیەکەدا ئیسماعیل کاردەش هاوسەرۆکی جەدەکەسە قسەی کرد و وتی، فرمێسکیان بۆ ئوکراینا دەڕژێت بەڵام بۆ کورد ناڕژێت. گەلی کورد بە چەکی کیمیایی دەکوژرێت. وڵاتانی ئەوروپا بێدەنگن. ئەم بێدەنگیە قبوڵنەکراوە و پێویستە وڵاتانی ئەوروپا ئەم بیدەنگیە بشکێنن.

دواتر زۆزان سەرحەد ئەندامی تەژەکە قسەی کرد و وتی، " دەوڵەتی داگیرکەری تورک بە هەموو هێزی ناتۆ هێرشی سەر کورد دەکات. ئەم هێرشە بە فەرمانی ناتۆ ئەنجام دەدرێت. لەبەرانبەری بەرخۆدانێکی بێوێنە هەیە. گەریلاکانی کورد پلانەکان تێکدەشکینن. ئەم وڵاتە بۆ خیانەت و داگیرکەران نامێنێت.

لینز

کوردستانیان لە شاری لینزی نەمسا کۆبونەوە و هێرشی داگیرکەریان بە پشتگیری بارزانی شەرمەزار کرد. لە چالاکیەکەدا بە زمانی ئەڵمانیا راگەیەنراوێک خوێندرایەوە و راگەیەنرا کە ئەوروپا و هەموو جیهان قەرزاری کورد و شەرڤانانی کورد کە داعشیان تێکشکاند و پێویستە قەرزی خۆیان بدەنەوە.

بۆردیخ

کوردستانیان و دۆستەکانیان لە شاری بۆردیخی فەڕەنسا کۆبونەوە و هێرشی تورک و هاوکاری پەدەکەیان شەرمەزار کرد. کوردستانیان لە گۆڕەپانی ستالینگراد کۆبونەوە و دەستیان بە ڕێپێوان کرد. لە ڕێپێوانەکەدا دروشمی ' بژی بەرخۆدانی گەریلا و کوردستان و بەرخۆدان و بژی سەرۆک ئاپۆ وترانەوە.

ف.ق