لەسەر بانگەوازی مەجلیسی گەلی دیموکراتیکی ڕێن سەدان کوردستانی لە شاری ڕێنی فەرەنسا کۆبوونەوە و پانکارتی "گۆشەگیری دەشکێنین، فاشیزم هەڵدەوەشێنینەوە، کوردستان ئازاد دەکەین"یان بەرزکردەوە و ڕێپێوانیان کرد.

لەسەر ناوی مەجلیسی گەلی دیموکراتیکی ڕێن ڕاگەیاندراو خوێنرایەوە و تیشکخرایەسەر گۆشەگیری درێژخایەنی ڕێبەری گەلی کورد عەبدوڵا ئۆجالان، گوترا: "وەک گەلی کورد ئەمە قبووڵ ناکەین. وەک کوردان لە کوردستان و ناوچەکانی جیهان، داوامان مسۆگەرکردنی ئازادی جەستەیی ڕێبەر ئاپۆیە. ئەگەر ڕێبەر ئاپۆ بەشێوەی جەستەیی ئازاد ببێت، گەلی کورد ئازاد دەبێت. تێکۆشانمان تا بەدەستهێنانی ئەنجامێک بەردەوام دەبێت".

بانگەواز دژی داگیرکاری و خیانەت

هەروەها تیشکخرایە سەر هێرشە داگیرکارییەکان و تاوانەکانی شەڕی دەوڵەتی تورک لە باشووری کوردستان و بەکارهێنانی چەکی قەدەغەکراو دژی گەریلاکانی ئازادی کوردستان، گوترا: "دەوڵەتی تورک ئەم جەسارەتەی لە هاوکاری پەدەکە وەردەگرێت، پەدەکە خیانەت لە گەلی کورد و تێکۆشانی ئازادی گەلی کورد دەکات. هەموو کوردێکی بەشەرەف دەبێت هەڵوێست نیشان بدات و ئەمە ڕابگرێت. بانگەواز لە گەلەکەمان دەکەین دژی داگیرکاری و خیانەت و لکاندن هەڵوێست وەربگرن. متمانەمان بە تێکۆشانی خۆمان و گەلەکەمانە، گۆشەگیری دەشکێنین، فاشیزم هەڵدەوەشێنینەوە، کوردستان ئازاد دەکەین".

چالاکییەکە بە درووشمی "بژی سەرۆک ئاپۆ" و "بمرێ خیانەت" کۆتایی هات.