لە شاری کیلی ئەڵمانیا ڕۆژی ژیانەوە پیرۆزکرا
لە شاری کیلی ئەڵمانیا ڕۆژی ژیانەوە، ساڵڕۆژی دامەزراندنی پەکەکە بە جۆش و خرۆش و پەرۆشییەوە پیرۆز کرا.
جەژنی ژیانەوە لە شاری کیلی ئەڵمانیا پیرۆزکرا و بەو بۆنەیەوە سەدان کوردستانی کۆبوونەوە و ئاهەنگی ساڵیادی دامەزراندنی پەکەکەیان پیرۆز کرد.
پۆستەرەکانی ڕێبەری گەلی کورد عەبدوڵا ئۆجالان، پێشەنگەکانی بزووتنەوەی ئازادی، حەقی قەرار، مەزڵوم دۆغان و مەعسووم کۆرکماز لە هۆڵی یادەکەدا هەڵواسرابوون.
چالاکییەکە بە خولەکێک ڕێزگرتن دەستیپێکرد. بە نمایشکردنی سینەفیزیۆنێک و لێدوانی سیاسەتمەدار نیهاد ئاکدۆغان یادەکە بەردەوام بوو.
چەندین هونەرمەندی کورد بەشدارییان لە ئاهەنگەدا کرد بوو.
ئاهەنگەکە بە شایی و گۆڤەند و هەڵپەڕکێ بەردەوام بوو.
ژ.ت
