لە ئەسکیشەهیر نەورۆز بە جۆشێکی مەزنەوە پیرۆزکرا
لە ئەسکیشەهیر لە ئاهەنگی نەورۆزدا درووشمی "ڕاپەڕە کاتی ئازادی و سەرکەوتنە" بەرزکرایەوە و بۆ ئازادی ڕێبەری گەلی کورد عەبدوڵا ئۆجالان درووشم بەرزکرایەوە.
پەرلەمانتار و کاندیدانی پارتی یەکسانی و دیموکراسی گەلان (دەم پارتی) و چەندین هاوڵاتی بەشداری ئاهەنگەکە بوون.
لە ئاهەنگەکەدا چەندین جار درووشمی "بژی سەرۆک ئاپۆ" بەرزکرایەوە.
پەرلەمانتاری دەم پارتی ئامەد، سەڤیلای چەلەنک پەیامی نەورۆزی گوڵتان کشاناکی بۆ بەشداربووان خوێندەوە.
سەڤیلای چەلەنک گوتی: "ئێمە بە شکۆ و ناسنامە و هەڵوێستی خۆمانەوە، لەپێناو نەریتی خۆمان تێدەکۆشین. ئەمڕۆ جەژنی نەورۆز کە لە تورکیا و کوردستان و سەرانسەری جیهان پیرۆز دەکرێت، ئەم ڕاستییە دووپات دەکاتەوە".
ئاهەنگەکە بە هەڵپەڕکێ و بەرزکردنەوەی درووشـمی "بژی سەرۆک ئاپۆ" کۆتایی هات.
