لە پارێزەرانی فەرمانگەی یاسای سەدە، ڕێزان ساریجا، ڕازیە ئۆزتورک، فایق ئۆزگور ئەرۆڵ و مەزڵوم دینچ، بۆ ئەوەی بتوانن مۆەکیلەکانیان عەبدوڵا ئۆجالان، عۆمەر خەیری کۆنار، حامیلی یڵدرم و وەیسی ئاکتاش کە لە ئیمرالی ببینن، سەردانی سەرۆکایەتی داواکاری گشتیی بورسا و بەڕێوەبەرایەتی ئیدارەی گشتی بورسا کردووە.

هەروەها برای عومەر خەیری کۆنار عەلی کۆنار، پۆڵات یڵدرم برای حامیلی یڵدرم ومەلیحە چەتین خوشکی وەیسی ئاکتاش، بەمەبەستی دیدار سەردانی سەرۆکایەتی داواکاری گشتیی بورسا و بەڕێوەبەرایەتی ئیدارەی گشتی بورسا کردووە.

لە ٢٥ی ئاداری ٢٠٢٢ بەملاوە هیچ زانیاریەک لەسەر ڕێبەری گەلی کورد عەبدوڵا ئۆجالان نادرێت.

لەماوەی ئەم ١٢ساڵەی دواییدا پارێزەران تەنها ٥ جاران توانیویانە ڕێبەری گەلی کورد عەبدوڵا ئۆجالان ببینن. دوایین دیداری پارێزەران لە ٧ی ئابی ٢٠١٩دا ئەنجامدراوە.