لە پاڕێزەرانی نوسینگەی یاسایی سەدە ئیبراهیم بیلمەز، رازیە ئۆزتورک، عەمران ئەکمەکچی و جەنگیز یورەکلی بۆ ئەوەی دیدار لەگەڵ رێبەری گەلی کورد عەبدوڵا ئۆجالان ئەنجام بدەن کە لە زیندانی جۆری ئێف بە ئاسایشی بەرزی ئیمراڵی لە گۆشەگیرییەکی قورسدایە، داواکری گشتیی کۆماری بورسا و بەڕێوەبەرایەتی زیندانی ئیمراڵییان بەسەر کردەوە و داواکارییان پێشکەش کردن.

پاڕێزەران بەمەبەستی دیدار لەگەڵ عومەر خەیری کۆنار، حامیلی یەڵدرم و وەیسی ئاکتاشیش هەمان داواکارییان پێشکەش بە داواکاری گشتی و بەڕێوەبەرایەتی زیندان کرد.

رەزان ساریجا و نەورۆز ئویساڵ پاڕێزەرانی رێبەری گەلی کورد عەبدوڵا ئۆجالان دوای ٨ ساڵ دوایین جار لە ٢-٢٢ی ئایار، ١٢-١٨ حوزەیران و ٧ی ئابی ٢٠١٩ دیداریان لەگەڵ موەکیلەکەیان ئەنجامدابوو. لەو کاتەوە تائێستا رێگریی لە دیداری نێوان عەبدوڵا ئۆجالان و پاڕێزەرەکانی دەکرێت.

هـ . ب