: SPDپێویستە سیاسەتمەدارانی هەدەپە ئازاد بکرێن
سۆسیال دیموکراتەکانی ئەڵمانیا کە بەشدارن لە حکومەتدا، داوایان کرد سیاسەتمەدارانی هەدەپە کە لە ئەنجامی ئۆپەڕاسیۆنی قڕکردنی سیاسیدا دەستگیرکراون، ئازاد بکرێن.
سۆسیال دیموکراتەکانی ئەڵمانیا کە بەشدارن لە حکومەتدا، داوایان کرد سیاسەتمەدارانی هەدەپە کە لە ئەنجامی ئۆپەڕاسیۆنی قڕکردنی سیاسیدا دەستگیرکراون، ئازاد بکرێن.
ناڕەزایی سیاسەتمەدارانی ئەوروپا و پارتە سیاسیەکان لەدژی دەستگیرکردنی بەڕێوەبەر و پەرلەمانتارانی هەدەپە بەردەوامە.
پارتی سۆسیال دیموکراتی ئەڵمانیا کە بەشدارە لە حکومەتی فیدڕالی ئەڵمانیا ناڕەزایی دەربڕی. لەسەر ناوی پارتەکە دیتمار نیتان پەرلەمانتاری فیدڕاڵ قسەی کرد و دەستگیرکردنی سیاسەتمەدارانی هەدەپەی شەرمەزار کرد.
پەرلەمانتاری ئەڵمانیا ڕایگەیاند کە وەک پارچەیەک لە فشاری بەرانبەر ئۆپۆزسیۆنی تورکیا، سیاسەتمەدارانی هەدەپە دەستگیرکراون. و وتی،" پێویستە دەستگیرکردن و گرتن بەم شێوەیە لە تورکیا کۆتایی بێت."
هەروەها داوای کرد ئەندامانی هەدەپە ئازاد بکرێن و وەبیریهێنایەوە کە بۆ لێکۆلینەوە لەبارەی ڕووداوەکانی ساڵی ٢٠١٤ لە قۆناغی شەڕی کۆبانێدا هەدەپە چەندین جار سەردانی ئەوروپای کردووە و داوای کردبوو، کۆمسیۆنێکی لێکۆلینەوە پێکبهێنرێت، بەڵام دەسەڵاتی ئاکەپە ئەوەی ڕەتکردووەتەوە.
ز.ش