لقی ئامەدی کۆمەڵەی مافەکانی مرۆڤ (ئیهەدە) ڕاپۆرتی خۆی دەربارەی پێشلکارییەکانی ساڵی ٢٠٢٤ی بڵاوکردەوە و ئاشکرای کرد ٧ هەزار و ٤٣٥ پێشلکاری جۆربەجۆری مافەکانی مرۆڤ کراوە و هەروەها مافی ژیانی ١١٧ مەدەنی پێشلکراوە.
لقی ئامەدی کۆمەڵەی مافەکانی مرۆڤ (ئیهەدە) لە کۆنگرەیەکی ڕۆژنامەوانییدا لە بینای لقی ئامەدی ئیهەدە ڕاپۆرتی پێشێلکارییەکانی ساڵی ٢٠٢٤ی لە باکووری کوردستان بڵاوکردەوە.
لە ڕاپۆرتەکەدا هەموو پێشلکارییەکانی وەک سەپاندی قەیوم، دەستگیرکردن و خستنەزیندان، گواستنەوەی زۆرە ملێی زیندانیان، سەپاندنی گۆشەگیری بەسەر زیندانیاندا و هەروەها دواخستنی بەردانی زیندانیان، کوشتنی هاوڵاتییان مەدەنی و ئەندامی پارتە سیاسییەکان، کوشتنی منداڵ و ژنان خراونەتە ڕوو کە لە شارەکانی باکووری کورستان ئەنجام دراوون.
جێگری هاوسەرۆکانی گشتی ئیهەدە، ڕوومەیسا دەنیز بەشێکی پێشلکارییەکانی بەم شێوەیەخستەڕوو:
پێشلکردنی مافی زیندانیکراوان
لە سەرەتای کۆنگرە ڕۆژنامەوانییەکەدا سەرۆکی لقی ئامەدی ئیهەدە، ئەرجان یڵماز قسەیکرد و ئاماژەی بەوەدا هیوادارن ئاشتی بێتەئاراوە و گوتی: "ساڵانێکە 'پرسی کورد' بووە بە هۆکاری ئەنجامدانی هێرش و پێشلکاری سەختی مافەکانی مرۆڤ. بە هیچ شێوەیەک بوونی گەلی کورد قبوڵ نەدەکرا. بەهۆکاری نکۆڵیکردن، پرسی کورد هاتووەتە ئاراوە. لە ٢٧ی شوباتدا ڕێبەری گەلی کورد عەبدوڵا ئۆجالان بانگەوازییەکی مەزنی کرد بۆ هێنانەئارای ئاشتی. بۆیە بە هیواین ڕاپۆرتەکەمان ببێتە هۆکاری هاتنەئارای ئاشتی."
پێشلکردنی مافە بنەڕەتییەکان
سکرتێری لقی ئامەدی ئیهەدە، عومەر سامان درێژەی بە خوێندنەوەی ڕاپۆرتەکە دا، سامان ئاشکرای کرد لە شارەکانی باکووری کوردستان بە ئەنقەست سێ هاوڵاتی کوژراون و چواری دیکەش بریندار کراوە. هەروەها سامان دەستنیشانی کرد لە گرتووخانەکانی دەوڵەتی تورک لە باکووری کوردستان ١١ زیندانی بە بانگەشەی "خۆکووژی" گیانیان لەدەستداوە.
'٥٢ ژن کوژراون'
لە بەردەوامی قسەکانییدا عومەر سامان ئاماژەی بەوەدا سێ لە ئەندامانی پارتە سیاسییەکان کوژراون، هەروەها لە تەقینەوەیەکدا سێ کەس گیانیان لە دەستداوە کە یەک لەوانە منداڵ بووە. هەروەها ٥٢ ژنیش کوژراون.
لە کۆتای قسەکانییدا عومەر سامان سەرنجی خستەسەر توندووتیژییەکانی دژ بە منداڵان و ئاشکرای کرد، لە ئەنجامی توندوتیژی خێزانییدا ١٤ منداڵ کوژراون.
