بە مەبەستی رسواکردنی پلانگێری نیودەوڵەتی ١٥ی شوبات کە لە دژی رێبەری گەلی کورد عەبدولا ئۆجالان بەڕیوە چوو، لە شاری ستراسبورگی فەرەنسا بە هەزاران کەس گرد بوونەوە و بە پێشەنگایەتی ژنان رێپێوانێکیان ساز کرد.

لە رێپێوانەکەدا پانکارتی 'ئازادی بۆ ئوجالان، پێگە بۆ کوردستان' و وێنەکانی رێبەری گەلی کورد عەبدلا ئۆجالان بەرز کرانەوە. چالاکەوانان بە وتنەوەی دروشم بەرەو گۆڕەپانی میتینگ دەستیان بە رێپێوان کرد.

بە هەزاران کوردستانی و دۆستانیان کە لە شارەکانی ئەلمانیا، فەرەنسا، هولەندا و بەلجیکاوە هاتبوون، بەشداریان لە رێپێوانەکەدا کرد.

لە لایەکی دیکەوە لە سەرتاسەری ئەوروپا گروپ و رێکخراوەکانی فێمینیست، ئەنتی فاشیست و ئەنتی کاپیتالیست پشتیوانی خۆیان بۆ ئەو رێپێوانە دەربڕی.

ز.ش