حکومەتی تورک یەکەم حاڵەتی ڤایرۆسی کۆرۆنای ڕاگەیاند
فەخرەدین کۆجا وەزیری تەندروستی تورک ڕایگەیاند، یەکەم حاڵەتی ڤایرۆسی کۆرۆنا لە تورکیا تۆمارکراوە کە کەسێکی گۆمانلێکراو بووە و چەند ڕۆژێک بوو تێستی بۆکرابوو.
کۆجا لە کۆنگرەیەکی ڕۆژنامەنووسیدا حاڵەتەکەی ئاشکرا کرد و وتی، "دەمەوێت زانیاریەکی ناخۆش و مەترسیدار بڵاوبکەمەوە. هاوڵاتیەکمان کە گۆمانی لەسەربوو، ئاشکرابوو کە تووشی ڤایرۆسی کۆرۆنا بووە.
کۆجا بێ ئەوەی باسی ڕەگەز و ناوی نەخۆشەکە بکات ڕایگەیاند، خانەوادەکەشی لە کەرەنتینەدان.
کۆجا ئاماژەی بەوەدا، ئەگەر ڤایرۆسەکە بڵاویش بووبێتەوە، زۆر بڵاونەبووەتەوە و بانگەشەی ئەوەی کرد کە ڤایرۆسەکە لە ڕێوشوێنەکانیان بەهێزتر نییە، بەڵام باسی ئەوەی نەکرد، چ ڕێوشوێنێکیان گرتووەتە بەر.
ف.ق
