بۆردۆکس

لە شاری بۆردۆکسی فەرنسا و لەسەر داواى کۆمەڵەى دیموکراتیکى کورد و بزوتنەوەى ژنانی کورد لە فەرەنسا چالاکییەک بۆ ئیدانەکردنی ئۆپراسیۆنە پاکتاوکارییە سیاسییەکانى دەوڵەتى تورک لە دژی هەدەپە رێکخرا.

لە چالاکییەکەدا راگەیاندراو بڵاوکرایەوە و هێرشەکانى رژێمی ئەردۆغان لە دژی گەلی کورد ئیدانە کرا.

گۆتەبۆرگ

لەسەر داوای ناوەندی کۆمەڵطەى دیموکراتیکى کورد و رێکخراوی کۆمۆنی ژنانی شەهید سەما لە شاری گۆتەبۆرگی سوید چالاکییەکە بۆ بۆ ئیدانەکردنی هێرشەکانى دەوڵةتى تورک بۆ سەر هەدەپە لە پارکی برون رێکخرا.

چالاکوانان بۆ بایکۆتکردنی کەرتی گەشتوگوزار و کەلوپەلی تورکی بانگەوازیان بڵاوکردەوە و بە وتنەوەى دروشم هێرشەکانى دەوڵەتى تورکی داگیرکەریان بۆ سەر کوردان ئیدانە کرد.

لۆزان

لە شاری لۆزانی سویسراش چالاکییەک بۆ ئیدانەکردنی هێرشەکانی دەوڵەتى تورک بۆ سەر گەلی کور و هەدەپە رێکخرا. چالاکییەکە لەلایەن ناوەندی کۆمەڵگەى کورد لە لۆزان و لە بەردەم شەقامی لاورێنت رێکخرا.

ئەوانەى لە چالاکییەکەدا وتەیان پێشکەشکرد سەرنجیان خستە سەر تێکۆشانی گەلی کورد لە دژی داگیرکەریی دەوڵەتى تورک و رایانگەیاند، تێکۆشان تێکۆشانی دژ بە فاشیزمە و تێکۆشانی مرۆڤایەتییە.

چالاکییەکە بە بڵاوکردنەوەى راگەیاندراو بە زمانی فەرەنسی کۆتایی پێھات.

ژ.ت