رێپێوانى درێژمەودا لە رۆژی ٩ی ئەیلولی ٢٠١٩ / ١٨ی خەرمانان لە ژێر دروشمی "لەگەڵ رێبەرایەتى رێ بکە و فاشیزم هەڵوەشێنە" لە شاری بۆنی ئەڵمانیا دەستیپێکرد.

دوێنێ سێشەممە لە دژی رێپێوانەکە لەلایەن نەژادپەرستەکانەوە کاری تێکدەرانە لە تۆریسفۆرت – کۆلن ئەنجامدرا و پۆلیسیش هێرشی کردە سەر چالاکوانانى رێپێوانەکە. لەو هێرشەدا ٤ گەنجی چالاکوان دەستگیرکران و دواتر بە مەرجی ئەوەى بەشداری رێپێوانەکە نەبنەوە ئازاد کران.

قەدەغەکاریی پۆلیسی ئەڵمانیا ئەمڕۆش چوارشەممە بەردەوامیى هەبوو. پۆلیسەکان بە گەنجانیان راگەیاند، دروشمەکانى "بژی سەرۆک ئاپۆ، بژی رێپەر ئاپۆ، بژی پەکەکە و بژی پارتی کرێکارانى کوردستان" قەدەغەن.

رێپێوانى گەنجان لە کۆلن بەرەوە لێڤێرکوس بەردەوامیى هەیە. چاوەڕێ دەکرێت رۆژی ١٣ی ئەیلولی ٢٠١٩ / ٢٢ی خەرمانان رێپێوانە درێژمەوداکە لە شاری گلادباخ کۆتایى پێ بێت.

ژ.ت