رێپێوانەکە رۆژی شەممە لە گەڕەکی گلوسترۆپی شاری کۆپنهاگ دەستی پێکردبوو.

چالاکەوانان رۆژی یەکەمی رێپێوانەکە ١٧ کیلۆمەتر رێیان کرد و لە گۆڕەپانی کولتورڤەت گرد بوونەوە. لە دووەم رۆژی رێپێوانەکەشدا، لە یانەی هەرلیڤەوە تا ناوەندی شار بە درێژایی ١٢ کیلۆمەتر رێیان کرد.

دواتر لە گۆڕەپانی کولتورڤەت کۆ بوونەوە و بە گردبوونەوەیەکی جەماوەری کۆتاییان بە رێپێوانە مەودادرێژەکەیان هێنا.

لە گردبوونەوە جەماوەرییەکەدا چالاکی بزوتنەوەی گەردوونی بە ناوی لوجاس ئۆلیڤەر پەیامێکی بڵاو کردەوە و رایگەیاند، گۆشەگیری سەر ئۆجالان لە دژی هەموو مرۆڤایەتییە و وتی:" شۆرشی رۆژئاوا مۆدێلی جێگرەوەیە و پێویستە هەموو کەسێک خاوەنداری لەو مۆدێلە بکات."

رێپێوانەکە کە ناوەندی کۆمەڵگای دیمۆکراتیکی کورد لە کۆپنهاگ و ئەنجومەنی ژنان-ی سێوێ پشتیوانیان لێ کرد، بە وتنەوەی دروشم کۆتایی پێهات.

ز.ش