لە شاری مارسیلیای فەرەنسا رێپێوانێکی بەرفراوان کە لە دژی پلانگێرییە نێودەوڵەتییەکەی ١٥ی شوبات بۆ ماوەی سێ رۆژ دەستی پێکردبوو، لە دووەم رۆژیدا بەردەوامە.

لە Bordeaux, Montpellier, Toulouse, Dragunyan  و Lyon چەندین کەس بەشدارییان لە رێپێوانەکەدا کردووە.

رێپێوانەکە دوێنێ لە بەردەوم شارەوانی Martigues دەستی پێکرد. لە یەکەم رۆژدا، چالاکەوانان لە شاری Martigues دەستیان بە رێپێوانەکە کرد و شەو لە هەمان شار مانەوە و ئەمرۆ کە دووەم رۆژی رێپێوانەکەیە، لە هەمان شار دەستیان بە رێپێوانەکە کرد.

بڕیار وایە ئەمرۆ رێپێوانەکە لە ناوچەی Antionی مارسیلیا کۆتایی پێ بێت. سبەینێش لە کاتژمێری ١٠:٠٠ بە کاتی ئەوروپا لەو ناوچەیەوە دەست پێدەکات و تا گۆرەپانی Vieux Port لە مارسیلیا بەردەوام دەبێت و بە گردبوونەوەیەکی جەماوەری کۆتایی بە رێپێوانە سێ رۆژییەکە بهێندرێت.

ز.ش