ئەنجومەنی خۆبەڕێوبەری دیموکراتی شەنگال، بە مەراسیمێک پێنجەمین ساڵیادی فەرمانی ٣ی ئابی ٢٠١٤ بۆ بیرهێنانەوەی قوربانیانی بەڕیوەدەبات، ئامادەکارییەکان تەواوبوون و کۆمیتەی ئامادەکار بانگەوازیی بڵاو کردەوە.

بەپێی بانگەوازییەکە و بەرنامەی مەراسیمەکە، بەیانی کاتژمێر ٠٣:٠٠ دوانیوەڕۆ لە سەردەشتی چیای شەنگال مەراسیمەکە دەستپێدەکات، لە مەراسیمەکەدا کۆمەڵکوژی شەرمەزار دەکرێت و قوربانیانی فەرمانەکە بەبیر دەهێنرێنەوە.

لە مەراسیمەکەدا لەسەر ناوی ڕێکخراوەکان وتار پێشکەش دەکرێت و سروود دەوترێت.

بۆ پاراستنی مەراسیمەکە، لەلایەن ئاسایشی ئێزدیخانەوە ڕێوشوێنی پێویست گیراوەتەبەر.

کۆمیتەی ئامادەکار داوا لەهەموو خەڵکی شەنگال دەکات، کە بەشداریی لە مەراسیمەکەدا بکەن.

ک-ش