قڕکردنی شەنگال لە ئەوروپا شەرمەزار دەکرێت
لە زۆر شاری وڵاتانی ئەوروپا هێرشی قڕکەری داعش لە بەرانبەر ئێزدیان شەرمەزارکرا. لە چالاکیەکاندا ڕۆڵی پەکەکە لە ڕزگارکردنی کوردانی ئێزدیدا بەرزڕاگیرا.
لە زۆر شاری وڵاتانی ئەوروپا هێرشی قڕکەری داعش لە بەرانبەر ئێزدیان شەرمەزارکرا. لە چالاکیەکاندا ڕۆڵی پەکەکە لە ڕزگارکردنی کوردانی ئێزدیدا بەرزڕاگیرا.
کوردستانیان و دۆستەکانیان لە ئەوروپا لەدژی ساڵیادی قڕکردنی ئێزدیان بە دەستی چەتەکانی داعش ڕژانە ناو شەقامەکان.
ستۆکهۆڵم
لە ویستگەی ناوەندی میترۆ و گۆڕەپانی سیرگیلستۆرگی ستۆکهۆڵمی سوید بە پێشەنگایەتی ناوەندی کۆەمڵگای کوردی دیموکراتی سوید و ئەنجومەنی ژنانی ئامارا چالاکیەک ئەنجامدرا و قڕکردن لەسەر ئێزدیەکان شەرمەزارکرا. لە چالاکیەکەدا باسی ئەوەکرا کە هێرشی داعش قڕکردنی ژنە و بانگەوازی بۆ پشتگیریکردن لە کوردانی ئێزدی کرا.
لەندەن
لەسەر بانگەوازی ئەنجومەنی گەلی بەریتانیا، ئەنجومەنی گەلی کورد لە لەندەن و دەستپێشخەری ژنانی کورد لە لەندەنی پایتەختی بەریتانیان لە گۆڕەپانی ترافالگیر، چەتەکانی داعش و دەوڵەتی تورک شەرمەزارکران. لە قسەکردنەکاندا راگەیەنرا، پەکەکە بە فریای کۆمەڵگای ئێزدیەوە چوو. بەجێهیشتنی کۆمەڵگای ئیزدی لە دەستی داعشدا لەبیرناکرێت.
تۆلۆس
کوردستانیان و دۆستەکانیان لە شاری تۆلۆسی باشووری فەڕەنسا کۆبوونەوە و کۆمەڵکوژی شەنگالیان شەرمەزار کرد.
دەن هاگ
لە شاری دەن هاگی هۆڵەندا کۆمەڵکوژی شەنگال شەرمەزارکرا و شەهیدانی بزوتنەوەی ئازادی کوردستانیش وەبیرهێنرانەوە.
ف.ق