لە تورکیا قەدەغەی سەردان و چاوپێکەوتن لەگەڵ زیندانییەکان درێژکرایەوە
وەزارەتى دادی تورکیا رایگەیاند، سەردانی پارێزەران بۆ زیندانەکان و چاوپێکەوتنیان لەگەڵ زیندانییەکان درێژکرایەوە.
دەسەڵاتی ئاکەپە – مەهەپە رایگەیاند، بۆ پێشگرتن لە بڵاوبوونەوەى ڤایرۆسی کۆرۆنا لە زیندانەکاندا هەندێک رێوشوێن گیراونەتەبەر.
وزیری دادی تورک لە بارەی ئەو رێوشوێنانەوە رایگەیاند، لە چوارچێوەیى پێشگرتن لە بڵاوبوونەوەى ڤایرۆسی کۆرۆنا بۆ ماوەى ٢ هەفتەی تر هەموو جۆرە سەردانکردنی زیندانییەکان و ئەنجامدانی چاوپێکەوتن لەگەڵیان قەدەغەکرایەوە.
بە وتەی وەزیری دادی دەوڵەتى تورک، ئەو قەدەغەکارییە داواى پارێزەران بۆ سەردانکردنی زیندانییەکان و ئەنجامدانی چاوپێکەوتن لەگەڵیان دەگرێتەوە.
ژ.ت
