پیرۆزبایی ٨ی ئازار لە ئەوروپا
ژنان لە زۆر شاری ئەوروپا ڕژانە ناو شەقامەکان و ٨ی ئازار ڕۆژی جیهانی ژنانیان پیرۆز کرد.
ژنان لە زۆر شاری ئەوروپا ڕژانە ناو شەقامەکان و ٨ی ئازار ڕۆژی جیهانی ژنانیان پیرۆز کرد.
ڕەیمس
لە شاری رەیمسی فەڕەنسا بزوتنەوەی ژنانی کورد و کۆلەکتیفی مۆر سۆر چالاکیەکی هاوبەشیان ئەنجامدا. ژنان بە دروشمی 'ژنان جیهان دەگۆڕن' ستاندیان کردەوە و بڵاوکراوەیان بڵاوکردەوە.
فرانکفورت
لە شاری فرانکفورتی ئەڵمانیا ژنان کۆبوونەوە و ڕێپیوانێکیان ڕێکخست. لە رێپێوانەکەدا دروشمی 'ژن، ژیان، ئازادی' و ' ژنان جیهان دەگۆڕن' وترانەوە. ڕێکخراوی ژنانی ئەڵمانیا و ئێرانیش بەشداریان لە چالاکیەکەدا کرد.
ئەسینا
لە کەمپی کوردانی ناوچەی لاڤریۆی ئەسیناش بۆ ٨ی ئازار چالاکی ئەنجامدرا. ژنان لە کەمپەکە پێکهاتەکانی (KBDH) و ئەندامانی گروپە ئەنارشیستەکان بەشداریان لە چالاکیەکەدا کرد. لە چالاکیەکەدا پۆستەری عەبدوڵلا ئۆجالان ڕێبەری گەلی کورد و ئاڵاکانی یەبەژە بەرزکرانەوە.
ف.ق