بورجوگوڵ چوبوک پاڵێوراوی پارتی چەپی سەوز لە ئیزمیر بۆ پەرلەمان بۆ ئاژانسی هەواڵی فورات (ANF) قسەی کرد.

چوبوک ڕایگەیاند، ئەم هەڵبژاردنە بۆ دەسەڵاتی فاشیست سەرەتای کۆتاییە و وتی، "لە بەرامبەر ئێمەدا هاوپەیمانیی فاشیستیی ئاکەپە و مەهەپە هەیە، کە خاوەنی ڕانتخۆری، تاڵانی و کۆمەڵکوژییە. هاوپەیمانیی فاشیست لە پرۆسەی هەڵبژاردندا هاوکارییە نهێنیەکانی خۆی ئاشکرا کرد. مەرگ بەسەر گەلانی تورکیا و کوردستاندا دەسەپێنێت. ئێمە ئەو سیستمەی ئەوانمان تێکشاندووە، کە دەیانخواست بەسەر ئێمەدا بیسەپێنن".

'ئێمە لە لێواری سەرکەوتنێکی مێژووییداین'

چوبوک ڕایگەیاند، ئەمە بۆ ئاکەپە و مەهەپە سەرەتای کۆتاییە، بۆ ئەوان هەڵبژاردنێکی چارەنووسسازە و وتی: "تاوەکو لە دەستیان دێت هێرش دەکەن. هێشتا ٢٤ کاتژمێر بەسەر بوومەلەرزەکەی ٦ی شوباتدا تێنەپەڕیبوو، کە ڕۆژئاوایان بۆردومان کرد. زۆر لە  دۆڕان و شکست دەترسن. پێویستە باش بزانن، کە چی لەدەست دەدەن، بۆچی لەدەستی دەدەن. هاوپەیمانیی ستراتیژیی بزووتنەوەی ئازادیی کوردستان و سۆسیالیستەکان، خەباتی فێمێنیستەکان و بەرخۆدانی کرێکاران ڕێگەی پێنەدان دەسەڵاتی خۆیان بەهێز بکەن. لە ئەنجامی خەباتی ئێمەدا، ئەم دەسەڵاتە لەق بووە. ئەوان هێرشیان کردە سەر ئێمە، زیندانەکان و گۆڕستانەکان پڕبوون لە خەڵکەکەمان. ئەوان ویستیان باخچەیەکی بێ دڕک دروست بکەن، بەڵام نەیانتوانی. ئێمە ڕێگەمان نەدا. لە دژی ئەم دەسەڵاتە، کە بکوژی کرێکارانە، دوژمنی ژنان و داگیرکەر و چەوسێنەرە، ئێمە لە لێواری سەرکەوتنێکی مێژووییداین. بۆ لێپرسینەوە لە بکوژانی کۆنجا کوریش و زۆرێکی تر لە ژنان ئێمە سەر دەکەین".

'ئێمە بۆ پشتیوانیکردن لەگەڵ یەکترین'

چوبوک ڕایگەیاند، ئەوان پشتیوانی ژنان تاوەکو لە دژی مێشکی دەوڵەتی پیاوسالار تێبکۆشن و وتی، "ئەوان خەڵاتی بکوژانی فەتما، ئیپەک، پنار، ئەمینە و شوعلەکانیان کرد. دەستدرێژیکردنە سەر منداڵانیان گەیاندە ئاستی بەڵگەی ماددی. لە کارگەکان باخچەکانی ساوایانیان داخست. ئەو پیاوانەی لە ژنانیان دەدا لە سەربازگەکان و بنکەکانی پۆلیس دا دەکرانە میوان، دادگاکان، ماڵەکان، کارگەکان و پەرلەمان بوونە شوێنی هاوپەیمانیی پیاوان. لە کوردستانیش کاریگەری کۆلۆنیالیزم و داگیرکەری هەبوو. لەسەر هەموو شەقام و کۆڵانەکاندا هێزیی میلیشیایی بڵاوکراونەتەوە. ژنان و منداڵان ناتوانن بە ئاسانی لە ماڵەکانیاندا بڕۆنە سەر شەقامەکان و لە قوتابخانەکانیاندا بگەڕێن. توندوتیژیی دەسەڵاتدا توندوتیژیی پیاوانی بەهێزتر کرد. هەردوو ڕووی شەڕ بەسەر ژنانی تورکیا و کوردساندا سەپێنرا. بە ناوی پاراستنی وڵاتەکەوە، بە گوشار و گۆشەگیرییەوە ژیانیان لە ئێمە بەرتەسک و سنووردارکرد. ئەمە لە کوردستان دا زۆر جدیتر بوو. هاوپەیمانیی پیاوان جیاوازی لە نێوان نەتەوەکاندا دروست ناکات، ئێمە بۆ پشتیوانی یەکتر پێکەوەین"."

'هاوکارییەکان بۆ کۆمەڵکوژکردن نامنێن'

بورجوگوڵ چوبوک لە کۆتایدا وتی، " ئەوەی پرۆسەکە یەکلایی کردەوە، تێکۆشانی ئێمە بوو بۆ رێککەوتننامەی ئیستەنبول. ئێمە بینیمان، کە هاوکاریی پیاوسالاری گوێ لە بۆچوون و وتەکانی ژنان ناگرێت، بۆیە ئێمەش هیچ داواکاریمان لەوان نییە. پێکەوە تێکۆشان و پشتیوانیکردنی یەکترمان هەیە. تێکشکاندنی ئەم دەسەڵاتە زیانێکی گەورە بەم هاوپەیمانێتییە دەگەیەنێت. ئامانجی سەرەکیمان تێکشکاندنی ئەو هاوکارییە، کە کۆمەڵکوژی ئەنجام دەدات".

ژ.ت