نەخشەڕێگای کۆتایی وۆرک شۆپەکە بە ناوی "ژنان دەربارەی ئاشتی دەدوێن" کە لە نێوان ٢٢-٢٣ ی شوبات لە ئیستەنبوڵ ئەنجامدرا، بڵاوکرایەوە. لە ڕاگەیاندراوی کۆتایی وۆرک شۆپەکەدا کە زیاتر لە ١٠٠ ژن تێیدا بەشداربوون باسی ئاشتی کرا، گوترا: "بەم وۆرک شۆپە وەک ژنان دەسپێشخەریی "پێویستم بە ئاشتییە" ڕادەگەیەنین".

لە وۆرک شۆپەکەدا بابەتی جیاجیا تاوتوێکران و دەربارەی ئاشتی و شەڕ لە جیهان و هەرێمەکە قسەکرا.

هەروەها بابەتەکانی "ئابووری شەڕ، سیاسەتی ڕەنجی ژنان و هەژاری" و "بۆچی پێویستمان بە تێکۆشانی ئاشتی و تێکۆشانی ژنان هەیە" و "ژنان ئاشتییەکی چۆنیان دەوێت؟ چۆن دەتوانین ئاشتی بەدی بهێنین؟" بە سێ دانیشتنی جیاواز تاوتوێکران.