پیاوێک بە ناوی کەنعان شامل‌ئۆغلو (٣٢ ساڵ) لەبەردەم بنکەی سارایۆن لە گەڕەکی کامبەریەی سەر بە ناوچەی خەلیلیەی ڕحا تەقەی لە  هاوژینەکەی بەناوی نیهال شامل‌ئۆغلو (٢٧ ساڵ) کرد و کوشتی، پاشان هەوڵیدا خۆی بکوژێت.

تیمەکانی تەندروستی لەماوەیەکی کورتدا گەیشتنە شوێنی ڕووداوەکە و دووپاتیان کردەوە نیهال ژیانی لەدەست داوە. کەنعان بە سەختی بریندار بوو و گوازرایەوە نەخۆشخانە.

تەرمی ژنەکە برایە دامەزراوەی پزیشکی دادەوەری ڕحا.