بە پێشەنگایەتی ڕێکخراوەی چەمک، بە بۆنەی ٨ـی ئادار ڕۆژی جیهانی ژنانی کرێکار، ژنانی سلێمانی لە بەردەرکی سەرایی شاری سلێمانی بە بەشداری ٣٠ ژنە دستڕەنگین فیستیڤاڵێکییان ئەنجامدا.

لە فیستیڤاڵەکەدا کاریدەستیی، درووستکردنی شیرینی، تابلۆی شێوەکاری و بەرهەمی دەستڕەنگینیی نمایشکرا. هەرەوەها چەندین تابلۆی ناوازەی هونەری نمایش کران کە درووشمی "ژن، ژیان، ئازادی"ییان لەسەر نەخشێندرابوو.

هەر لەبەشی وێنەسازی پێشانگەکەدا تابلۆیی هەردوو ژنە شەهیدی ڕاگەیاندنی ئازاد 'گوڵستان تارا، هێرۆ بەهادین' بە شێوەیەکی ناوازە کێشرابوون و بوو بە جێگە سەرنجی فیستیڤاڵەکە.

ژنانی بەشداربووی فیستیڤاڵەکە ئاماژەیان بەوەدا وەک ژنانی کورد بە گرنگییەوە لەم ڕۆژە دەڕوانن. وە جەختییان کردەوە لەوەی کورد خاوەنداری چەندین ژنە کە سیبموڵی تێکۆشان و بەرخۆدانن.