تەڤگەری ژانانی ئازاد (تەژەئا) بە بۆنەی ٨ـی ئادار ڕۆژی جیهانی ژنانی کرێکار لە پارکی کوردی لە ناوچەی جورنە ڕەشی ڕحا ئاهەنگی ڕێکخست. لە ئاهەنگەکەدا پانکارت بە نوسینی کوردی 'ڕاپەڕینمان لە دژی قڕکردنی ژنانە، هەنگاومان بەرەوە ئازادییە' لەگەڵ ئاڵای سەوز، سور، زەرد و مۆر هەڵدران. ژنان بە جلوبەرگی ئاڵوواڵای نەتەوەییەوە ڕژانە گۆڕەپانی ئاهەنگەکەوە. لە ئاهەنگەکەدا هەڵپەڕکێ بە گۆرانی کوردییەوە ئەنجامدا و بە بەردەوامی درووشمی "ژن، ژیان، ئازادی"ـی دەگوترایەوە.

لە ئاهەنگەکەدا وێڕای بەشدارییەکی زۆری ژنان، بەشێکی زۆر لە پەڕلەمانتار، نوێنەرانی پارت و ڕێکخراوە مەدەنییەکان ئامادەبوون.

لە ئاهەنگەکەدا هاوسەرۆکی ڕحایی ڕێکخستنی دەم پارتی سەما ئایشەئۆغلو سڵاوی لە ئاهەنگێڕان کرد و ٨ـی ئاداری پێرۆز کرد.

هەر لە ئاهەنگەکەدا هاوسەرۆکی پێشوی شارەوانی جورنە ڕەش غەریپ یەشیل قسەیکرد و باسی لەوەکرد جورنە ڕەش لە نێو تێکۆشانی ئازادی ژنانی کورددا خاوەن پێگەیەکی کاریگەرن و قوربانی زۆریی داوە.

دواتر وتەبێژی ئەنجومەنی دایکانی ئاشتی هاڤا کیران قسەیکرد و ئاماژەی بەوەدا دەبێت دایکان پێشەنگایەتی لە خاوەنداریکردنی بانگەوازییەکەی ڕێبەر ئاپۆ بکەن.

لە کۆتاییدا پەڕلەمانتاری ڕحای دەم پارتی دیلان کونت ئایان بیری هێنایەوە ژنانی جورنە ڕەش پێشەنگایەتی ئەم تێکۆشانەیان کردووە و ڕۆڵی کاریگەرییان هەبووە.

لە دوای کۆتایهاتنی قسەکان هونەرمەند باران بۆیزەل بە گۆرانییەکانی جۆشی دا بە ئاهەنگەکە، ئاهەنگەکە لەگەڵ هەڵپەڕێکدا دروشمەکانی ژنان گوترایەوە و بە جۆشەوە کۆتایی هات.