تەژەکە-ئە لە راگەیەندراوێکدا باسی لەوەکردووە، پێشوازی لەو کەمپینە جیهانییە دەکەن کە لە ١٠ی تشرینی یەکەمەوە لە ٧٤ ناوەندی جیهان لەژێر ناونیشانی "ئازادی بۆ عەبدوڵڵا ئۆجالان، چارەسەری سیاسی بۆ کێشەی کورد" دەستیپێکراوە.

تەژەکە-ئە وتی، "دەستپێکردنی هەنگاوێکی لەو شێوەیە لە لایەن ژنانی چەپ، سۆسیالیست، دیموکرات، ئازادیخواز و خاوەن ئەخلاق و ویژدان، گەنجان، فەیلەسوف، ئەکادیمیاسۆن، ڕۆشنبیر، نووسەر، هونەرمەند، سەندیکاکار، سیاسەتمەدار و دامەزراوەی دیموکراتیک، کە خۆیان بە دۆستی گەلی کورد و ڕێبەر ئاپۆ دەزانن، ئەوەندەی کە ستراتیژییە، ئەوندەش واتا و بەهایەکی مێژوویی هەیە."

راگەیەندراوەکە بەم شێوەیە بەردەوام بوو؛

دەستپێکردنی کەمپینی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" لە ساڵڕۆژی پیلانگێڕی ناونەتەوەیی خاوەن گرنگییەکی زۆرە. ١٠ی تشرینی یەکەم ٢٥ەمین سالرۆژی هێرشی پیلانگێری نێونەتەوەیی ساڵی ١٩٩٨کە دژ بە ڕێبەری گەلی کورد عەبدوڵا ئۆجەلان لە لایەن سیستەمی مۆدێرنیتەی سەرمایەداری ئەنجامدرا. گەورەترین و مانادارترین وەڵام بۆ پیلانگێڕی ناونەتەوەیی دەسپێکردنی هەنگاوێکی بەو شێوەیە بوو. سیاسەتی ئەشکەنجەدان و گۆشەگیری و سیاسەتی گۆشەگیری کە ٢٥ ساڵە لەسەر ڕێبەر ئاپۆ لە ئیمرالی بەڕێوەدەچێت، نەک تەنها لە تورکیا بەڵکو لە هەموو جیهاندا گۆڕا بۆ رسواییەکی یاسایی کە نموونەی نییە. بەم شێوەیە هێزە هەژموونخوازەکان دەیانەوێت بە پارادایمی ئەڵتەرناتیڤ کە دەنگ و بیری ڕێبەر ئاپۆ دروستی کردووە، ئاشتی و چارەسەری لە ڕۆژهەڵاتی ناوەڕاست لەناو ببەن و بەم شێوەیەش هەوڵی لەناوبردنی تێکۆشان، ماف و دەستکەوتە بەکەرامەتەکانی گەلی کورد دەدەن.

لە لایەکی تریشەوە بزوتنەوەی ئازادیی کورد بە تێکۆشانی ٥٠ ساڵەی خۆی بە شکاندنی دیوارە کۆنکرێتیەکان داستانێکی زیندووبوونەوەیان خوڵقاندووە. لەگەڵ دووبارە ژیانەوەی گەلی کورد، بوونی خۆی، ئیرادەی خۆی، هێزی سیاسی، کۆمەڵایەتی رۆناکبیر و رێکخستن کراوەکانی ئاشکرا کرد و لە ناو شۆڕشەکاندا شۆڕشیان دروست کرد. ڕێبەر ئاپۆ بە فەلسەفەی 'ژن، ژیان، ئازادی'، ئیرادە و دلسۆزی ژنانی  بۆ تێکۆشانی ئازادی دروست کرد و واقیعی کۆمەڵگایەکی ئاشکرا کرد کە لەلایەن ژنانەوە بەهێزکراوە و لەلایەن ژنانەوە ئازاد کراوە. پێشکەوتنی  شۆڕشی ڕۆژئاوا وەک شۆڕشی ژنان و پێشەنگایەتی ژنان لە شۆڕشی کۆمەڵایەتی ڕۆژهەڵاتی کوردستان و ئێراندا، ئایدۆلۆژیای ئازادی ژنانی گەیاندە ڕەهەندێکی گشتگیر، ژنان لە هەموو جیهاندا توانیان لە دەوری فۆرمولەی سیحراوی 'ژن، ژیان، ئازادی'دا کۆببنەوە.

ئامانجی سەرەکی دەستەبەرکردنی ئازادی جەستەییە

ئامانجە سەرەکییەکانی هەنگاوی ئازادی جیهانی، کە لە ١٠ی تشرینی یەکەم بە دروشمی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" دەستیپێکرد، هەڵوەشاندنەوەی سیستەمی گۆشەگیری، ئەشکەنجە و قرکاری ئیمرالی و ئازادی جەستەیی ڕێبەر ئاپۆیە. ئەمەش بە واتای چارەسەرکردنی کێشەی کورد لەسەر بنەمای ئازادی گەلی کورد و دیموکراتیزەکردنی ڕۆژهەڵاتی ناوەڕاست دێت. وە ئەمە هەنگاوێکی گەورەیە کە هەڵوێستی ساختە، بێ ئەخلاق و دووڕوویی دامەزراوە و ڕێکخستنە ناونەتەوەییەکان ئاشکرا دەکات، کە گوایە بەرپرسیارن لە 'پاراستنی مافەکانی مرۆڤ و دیموکراسی' و ماوەی ٢٥ ساڵە ڕۆڵی سێ مەیموونەکە دەگێڕن. ئەمە دەربڕینێکە کە ئەگەر ئەوان بێدەنگیش بن، عەقڵ، ویژدان و ئەخلاقی مرۆڤایەتی هەرگیز بێدەنگ نابێت.

با ئەوە لەبیر نەکەین کە؛ هەر هەوڵێک بۆ هەڵوەشاندنی سیستەمی ئەشکەنجە، گۆشەگیری و قڕکاری بۆ دەستەبەرکردنی ئازادی جەستەیی ڕێبەر ئاپۆ و بەدیهێنانی چارەسەری دیموکراتیک بۆ کێشەی کورد بدرێت، ڕۆڵی سەرەکی هەیە لە دیموکراتیزەکردنی ڕۆژهەڵاتی ناوەڕاست و تەنانەت لە دروست کردنی  جیهانێکی دیمۆکراتیکدا رۆلێکی گرینگی هەیە. ئەو هەڵمەتەی لەسەر ئاستی جیهانی لە لایەن دۆستانی گەلی کوردەوە دەستی پێکراوە رێکەوت نییە و هاوکاتە لەگەڵ ڕۆحی ئازادی سەردەمیانە. چونکە باوەڕ و هیوای هەیە کە ژیانێکی دیموکراتیک، ئازادیخوازانە و ئیکۆلۆژیکی ژنان بۆ جیهان بە پارادایم و فکری ڕێبەر ئاپۆ، لە بەرامبەر  سیستەمی مۆدێرنیتە سەرمایەداری بنیات بنرێت. هەروەها ئەمەش باوەڕ و هیوایەیەکە کە لەگەڵ ڕێبەر ئاپۆ ئازادی سەردەکەوێت و بنیات دەنرێت.

ئێمە خاوەنداری لەم هەنگاوە دەکەین

ئێمە وەک تەڤگەری ژنانی کوردی ئەوروپا، کەمپینی 'ئازادی بۆ عەبدوڵا ئۆجالان، چارەسەری سیاسی بۆ پرسی کورد'   کە لە ١٠ی تشرینی یەکەم زیاتر لە ٨٠ کەس لە ناودارانی  جیهان بە ئامانجی دەستەبەرکردنی ئازادی جەستەیی ڕێبەرمان و چارەسەرکردنی کێشەی کورد دەستپێکرا، لە باوەش دەگرین و ئێمە ئیدیعای ئەوە دەکەین کە ئەم کەمپینە بە  ڕۆح، فکر، هەستیاری و چالاکییەکە بەرەو سەرکەوتن دەبات. بۆ ئەوەی ئەم هەنگاوە مێژووییە سەرکەوتوو بێت، کار و پلانەکانمان لە بواری کۆمەڵایەتی و لە بواری دیپلۆماسیدا پەرەپێدەدەین. ئێمە دەستنیشانی دەکەین کە یێکێک لە ئامانجە هەرە گرینگەکانمان ئەوەیە کە فکر و پارادایمی ڕێبەر ئاپۆ بگەینین بە ژن و گەلانی ولاتەکەمان،  جارێکی دەستنیشانی دەکەین کە بە هێزی رێکخستن کراوی ژن سیستەمی ئەشکەنجە و گۆشەگیری ئیمرالی تێکدەشکێنین.

لە دۆسەلدۆرف دیداری هاوبەش

لە چوارچێوەی هەنگاوی 'ئازادی بۆ عەبدوڵا ئۆجالان، چارەسەری سیاسی بۆ کێشەی کورد'، داوا لە ژنان دەکەین لە ٢١ی ئۆکتۆبەر لە شاری دوسەلدۆرف دۆستانی نێونەتەوەیی، دامەزراوە ناونەتەوەییەکان و دامەزراوەی ژنانی کوردستان بە هاوبەشی بەشداری دیداری، "ئازادی سەردەکەوێت"، ببن.