کۆمەڵگەی ژنانی ئازادی ڕۆژهەڵاتی کوردستان (کەژار)، لە ماڵپەڕەکەی خۆی ڕایگەیاندووە، "بزووتنەوەی ئاپۆی لە خۆڕاگری و تێکۆشانی ١٤ی تەمووزی ١٩٨٢دا، چووە قۆناغێکی مێژووییەوە. پێشەنگانی ئەم بزووتنەوەیە بە مەبەستی بەرجستەکردنی ڕێبەرایەتی تاکتیکی بە ھەموو خانەکانی جەستەیان و بە گیانێکی فیداکارانە، زیندانەکانیان کردە گۆڕستانی فاشیستان".

کەژار جەختیشیکرووەتەوە، "بزووتنەوەی ئاپویی بزووتنەوەی شەهیدانە. لەگەڵ هەر شەھیدبوونێکدا چووەتە قۆناغێکی هەستیارتر و تۆڵەسەندنەوە لە سیستەمی پیاوسالار و دەسەڵاتخواز بەگوڕتر بووە و پێویستی بە، فراوانکردن و بەکرداریکردنی شەڕی گەلی شۆڕشگێڕی لە لوتکەی خۆڕاگری و تێکۆشان ھەیە. گەلی کورد و ژنان بە ڕۆژانێکی مێژووییدا تێدەپەڕن. ژنان بە ئیلهام وەرگرتن لە بەرخۆدانی گەریلاکانی ئازادی لە چیاکان و خۆڕاگری شۆڕشگێڕان لە زیندانەکان، بە ئاستێک لە زانست و هۆشیاری پێشەنگایەتی بزوتنەوە کۆمەڵایەتییەکان گەیشتوون و بەکرداریان کردووە. ئەم پێشەنگایەتییەیی ژنان لە هەموو بوار و کایەکاندا، بووەتە سەرچاوەی  وزە بۆ چین و توێژەکانی دیکەی کۆمەڵگا و ئەو ئیرادەیەی کە رۆچووەتە ناو سەرجەم بەشەکانی کۆمەڵگا بەرەو ھێزێکی گەورەی شۆڕشگێڕی ئاراستە دەکات".

لەو چوارچێوەیەشدا ژمارە ٤٧ی گۆڤاری ژنانی ڕۆژهەڵات، بۆ ھەڵسەنگاندنی ئەم بابەتانە تەرخانکراوە؛

خۆڕاگری، ئیرادە و گیانی ڕووبەڕووبوونەوەی سیاسەتی نکۆڵی –بە ڕێکخستنکردنی ڕەهەندەکانی نەتەوەی دێموکرات لە شەڕی گەلی شۆڕشگێڕی -لەگەڵ بەرخۆدانی گەریلا، بەرەو سەرکەوتن و شەهیدبوون، ڕەنگدانەوەی ڕاستی گەلێکە.

بۆ دابەزاندنی فایلی  PDFی ژمارە ٤٧ی گۆڤاری ژنانی ڕۆژهەڵات کلیک لێرە بکە.

ژ.ن