دەستپێشخەری ژنانی تۆڵەسێنەر ڕایگەیاند، "لە ئایدن، ئانتالیا و ساکاریا، کارگەیەک و ٢ ئۆتۆمبێلی بیناسازی، کە لە زیان گەیاندن بە سروشت بەکاردەھێنرێن، ھەروەھا دوکانێکی مۆبیلیاتی سەر بە ڕەگەزپەرستانمان سووتاند".
دەستپێشخەری ژنانی تۆڵەسێنەر لە ڕاگەیەندراوێکدا بڵاویانکردەوە، لە سێ شار چالاکیان ئەنجام داوە.
لە ڕاگەیەندراوەکەدا ئەم زانیاریانە خراوەتەڕوو:
"رۆژی ۶ی ئاب، یەکینەکانمان لە ناوچەی سوڵتانحیسار لە ئایدن، لە دژی کارگەیەکی بەرهەمهێنانی کارتۆن، چالاکییەکی سابۆتاژیان ئەنجامدا. خاوەنی ئەو کارگەیە لایەنگرێکی دەسەڵاتی فاشیست و ئەفسەرێکی خانەنشینکراوە بە ناوی کەریم سانجاک. لە ئەنجامی چالاکییەکە کارگەکە بەجۆرێکی لێھات، کە جارێکی دیکە بۆ بەکارهێنان نابێت.
ڕۆژی ٧ی ئاب، لە ناوچەی فینیک-ی ئانتالیا، ٢ ئۆتۆمبێلی بیناسازی کۆمپانیایەکی سەر بە ڕژێمی فاشیستی ئاکەپە و مەهەپە، کە سروشت لەناودەبەن، لەلایەن یەکینەکانمانەوە سووتێنران.
ڕۆژی ٥ی ئاب، لە ناوچەی سەردیڤان-ی سەر بە ساکاریا، یەکینەکانمان ئاگریان لە فرۆشگای مۆبیلیاتی سەر بە ئەندامانی "نەوەی ڕەگەزپەرستان" بەردا و کەلوپەلەکانی ناو فرۆشگاکە سووتان.
لە کەسایەتی فەرماندەی گەورە مەعسوم کۆرکماز، کە ھەڵمەتی ١٥ی ئابی ١٩٨٤، شۆڕشی ژیانەوەی دەستپێکرد، بە ڕێزەوە یادی هەموو شەڕڤانان و فەرماندەکانی گەریلا دەکەینەوە. بە ڕێزەوە یادی فەرماندە مەزنەکان ئەنگین سنجەر، ئاتاکان ماهیر و زەکی شەنگالی بەرز ڕادەگرین، کە لە مانگی ئابدا شەهید بوون.
ئێمە بەبۆنەی جەژنی ژیانەوە پیرۆزبای دەکەین لە ڕێبەر ئاپۆ، گەلی کورد و هەموو ئەوانەی لە چیا، زیندانەکان و هەر شوێنێک، لە دژی کۆلۆنیالیزم و داگیرکاری خۆڕاگری دەکەن. جارێکی دیکە بەڵێنەکەمان دووبارە دەکەینەوە، کە ڕێبواری رێگەی ئەوانین و ئەوان لە تێکۆشانمان بە زیندوویی ڕادەگرین.
ژ.ن
