ناوەندی ڕاگەیاندنی هەپەگە لەم بارەیەوە ڕاگەیەنراوێکی بڵاوکردەوە و ڕایگەیاند، " لەچوارچێوەی هەڵمەتی شۆڕشگێڕی شەهید دەلال ئامەد و شەهیدانی بەستایە لەدژی سوپای تورکیا لە کێرێ حەسەن ، شاری کڕ، گردی چۆلیا، ئەشکەوتۆک وبلورڤان-ی جوودی گەریلاکانمان سوپای تورکیایان کردەئامانج.
لە راگەیەنراوەکەی هەپەگەداهاتووە:
" ڕۆژی ١٩ی ئادار سوپای داگیرکەری تورکیا لە ناوچەی بلورڤان، ئەشکەوتۆک، گردی چۆلیا، شاری کڕ و کێرێ حەسەن-ی سەربە چیای جوودی هەرێمی شڕناخ دەستیان بەئۆپەراسیۆن کردووە. هێزەکانی ئێمە لە چوارچێوەی هەلمەتی شۆرشگێڕانەی شەهید دەلال ئامەد و شەهیدانی بەستایا لەدژی ئەوئۆپەراسیۆنە چالاکییان ئەنجامدا.
چالاکی لەدژی ئۆپەراسیۆنی سوپای تورکیا
لەماوەی دوو ڕۆژی ئەو ئۆپەراسیۆنەدا گەریلاکانی ئێمە سوپای داگیرکەری تورکیان بەوردی چاودێری کرد و لەدوو قۆڵەوە هێرشیان کردە سەریان. لەوچالاکییەدا سەربازێک کوژرا و ٤سەربازی تری بریندار بوون.
لەڕۆژی ٢٠ی ئادار لەکاتژمێر ٠٧:٠٠ لەدژی سوپای تورکیا لە دەڤەری ئەشکەوتۆک چالاکیی ئەنجامدارا، لەو چالاکییەدا ٥سەربازی سوپای داگیرکەری تورکیا کوژران و ٦ سەربازی تربریندار بوون.
فڕۆکەجەنگییەکانی تورکیا گوندی تەحشکێ-یان بۆردومانکرد
ئۆپەراسیۆنەکەی سوپای تورکیا لە چیای جوودی بەبێ ئەنجام لە ٢٠ی ئاداردا بەناچاری کۆتایی هات. لەو ئۆپەراسیۆنەدا هیچ زیانێک بەرگەریلاکانی ئێمە نەکەوتووە.
لە کاتژمێری ٢٢:٠٠ی ڕۆژی ٢٠ ئاداردا فڕۆکەجەنگییەکانی سوپای تورکیا گوندی تەحشکێ-ی مەتینای سەربە هەرێمەکانی پاراستنی مەدیایان بۆردومانکرد. لەو بۆردومانەدا خانوویەک بەتەواوی کاول بوو، هەروەها زیانێکی زۆر بەرباخ وڕەزی هاووڵاتیان کەوتووە.
لە ڕێکەوتی ٢٢ی ئاداردا فڕۆکەکانی دەولەتی تورکیا چیای ڕەش-ی سەربە زاپیان بۆردومانکرد. لەو بۆردومانانەدا هیچ زیانێک بەرگەریلاکانمان نەکەتووە.
ک-ش