٢٦ ژنی گەنج لە چیاکانی کوردستان راگەیەندراوێکیان بڵاوکردەوە و رایانگەیاند، کە بۆ سەندنەوەی تۆڵەی شەهید بیشەنگ و شەهید سارا بەشدارییان لە ریزەکانی گەریلادا کردووە.

ژنان بە زاراوەی کوردی سۆرانی و هەروەها بە زمانی تورکی راگەیەندراوەکەیان خوێندەوە.

لە راگەیەندراوەکەدا هاتووە، کە هەرگیز ژیانێکی بە بێ رێبەرایەتی قەبوڵ ناکەن و وتیان، " لە چوارپارچەی کوردستانەوە ئێمە بەرامبەر بە کۆلۆنیالیزم و داگیرکەری دەوەستینەوە. وەک ٢٦ ژنی گەنجی کوردستان بۆ مسۆگەرکردنی ئازادیی جەستەیی رێبەرایەتی لە ٤ی نیسانی ٢٠٢٤دا ئێمە روودەکەینە رۆژ، روودەکەینە رێبەرایەتی و بەشداری ریزەکانی گەریلا دەبین."

لە راگەیەندراوەکەدا هاتووە، "هەموو گەنجان کە دەیانەوێت بە شێوەیەکی ئازاد، مرۆڤانە و بە شکۆی ژنانەوە بژین، هەموو ژنانی گەنج دەبێت رووبکەنە چیا.. ئێمە بەشداری لە سەرجەم گەنجان دەکەین کە بەشداری رێبەرایەتی بکەن".

ژنانی گەنج داوای بەرفراوانکردن و گوڕدان بە ئاگری بەرخودانی رێبازی بیشەنگ و ساراکانیان کرد و وتیان، 'دەبێت هەمووان باش بزانن کە بە تێکۆشان ئێمە دەتوانین ژیانێکی ئازاد، دیموکراتیک و بە شێوەی ژن بەدەستبهێنین. لەسەر ئەو بنەمایە ئێمە داوا لە گەنجان و هەموو ژنانی گەنج دەکەین کە خۆیان بگەیەننە راستی، بەشداری لە ریزەکانی پەکەکە و پاژکدا بکەن".

هـ . ب