ئاهەنگی نەورۆزی ئێلح بە درووشمی "ڕاپەڕە کاتی ئازادی و سەرکەوتنە" ئەنجامدرا. بە بەشداری دەیان هەزار کەس بەردەوامە. لە ئاهەنگەکەدا بەردەوام درووشمی "بژی سەرۆک ئاپۆ" بەرزکرایەوە.

لە ئاهەنگەکەدا هاوسەرۆکی گشتی پارتی یەکسانی و دیموکراسیی گەلان (دەم پارتی) تونجەر باقرخان دوا، تیشکی خستەسەر جۆشی نەورۆز لە ئیستەنبوڵ و گوتی: " هەمان ئەو داواکاری و درووشمانەی کە ئەمڕۆ لێرەدا بەرزدەکرێنەوە، لەوێش بەرزکرانەوە. ملیۆنێک کەس لە ئیستەنبوڵ گوتیان؛ "کۆتایی بە گۆشەگیری بهێنن" سەدان هەزار کەس لە ئیستەنبوڵ کۆبوونەوە و داوای چارەسەرکردنی پرسی کوردیان کرد بە دیالۆگ و دانوستان. لە گۆڕەپانی نەورۆز گوتیان؛ "موخاتەبی پرسی کورد ئیمراڵیە".

باقرخان پەیامی ڕێبەری گەلی کورد عەبدوڵا ئۆجالانی بۆ نەورۆزی ٢٠١٣ بیرهێنایەوە و گوتی: " ئەو نەخشەڕێگایە ئاشناکردنی تورکیا بوو بە دیموکراسی. نەخشەڕێگای پێکەوەژیانی کورد و گەلانی دیکە بوو بە زمان و ناسنامەی خۆیانەوە. ئێمە جارێکی تر دەڵێین موخاتەبی پرسی کورد ئیمراڵیە و لەگەڵ نەخشەڕێگای ئاشتی و چارەسەری ساڵی ٢٠١٣داین".

باقرخان ڕایگەیاند لە هەر ماڵێکی ئێلح وێنەی ئەو کەسانە بە دیوارەکانەوە هەڵواسراون کە ساڵانی نەوەدەکان لەلایەن کۆنتراکانەوە کوژران، گەلی ئێلح بەو کەسانە فریو ناخوات لێرە دەڵێن کوردین و لە ئەنقەرە هاوپەیمانی فاشیستەکان و دوژمنانی کوردن، گوتی: "ئەوانە لە ٣١ ی ئادار وەڵامێکی باش لە گەلی ئێلح وەردەگرن".

پاش وتەکانی باقرخان ئاهەنگەکە بە هەڵپەڕکێ بەردەوام بوو.