چالاكی ئێشكگریی دادپه‌روه‌ری بنه‌ماڵه‌ی شه‌نیاشار له‌ به‌رده‌م دادگای رحا له‌ رۆژی ٣٩٠هه‌میندایه‌. له‌به‌ر ئه‌وه‌ی كۆتایی هه‌فته‌یه‌ و دادگا داخراوه‌ بنه‌ماڵه‌كه‌ ئێشكگرییه‌كه‌یان له‌ ماڵه‌كه‌یان له‌ ناوچه‌ی پرسوس درێژه‌پێدا.

دایكه‌ شه‌نیاشار و كوڕه‌كه‌ی ساڵی رابردوو به‌ربانگی یه‌كه‌م رۆژوویان له‌به‌رده‌م دادگای رحا كردبوه‌وه‌. به‌هۆی رۆژی یه‌كه‌می مانگی ره‌مه‌زانه‌وه‌ دایك و كوڕ له‌ كاتژمێره‌كانی ئێواره‌دا دێنه‌ به‌رده‌م دادگای رحا و به‌ربانگیان له‌وێ ده‌كه‌نه‌وه‌. بنه‌ماڵه‌كه‌ له‌سه‌ر هه‌ژماری خۆی له‌ تۆڕه‌ كۆمه‌ڵایه‌تییه‌كاندا وه‌زیری داد به‌كر بۆزداغ و سه‌رۆككۆماری ئاكه‌په‌یی ته‌یب ئه‌ردۆغانی تاگ كرد و ئه‌و په‌یامه‌ی بڵاوكرده‌وه‌: "ئێمه‌ یه‌كه‌م به‌ربانگمان له‌به‌رده‌م ماڵه‌كه‌مان، دادگای رحا ده‌كه‌ین. دایكێك ٣٩٠ رۆژه‌ له‌به‌رده‌م دادگایه‌، ئه‌وانه‌شی فه‌رمانی باڵاده‌سته‌كان جێبه‌جێ ده‌كه‌ن له‌ ماڵه‌ گه‌رمه‌كانیاندان. ئه‌وانه‌ی به‌ڕۆژوو ده‌بن ناچارن كه‌ دادپه‌روه‌ر بن".

هـ . ب