بەرخۆدان لە خەلفەتی ١٧ رۆژە بەردەوامە
ئێشکگریی بەرخۆدان لە خەلفەتی کە لە دژی سەپاندی قەیوم دەستپێکردووە، لە ڕۆژی ١٧هەمینیدا بەردەوامە.
بەرخۆدان لە دژی دەستبەسەرداگرتنی شارەوانییەکان لە لایەن قەیومەوە، لە ناوچەی خەلفەتی ڕحا دەستیپێکردووە و ١٧ ڕۆژە بەردەوامە.
لە پێش بینای شارەوانی کە لە ژێر گەمارۆی هێزەکانی دەوڵەتی تورکدایە، خەڵکی خەلفەتی پانکارتی 'نا بۆ قەیوم بەڵێ بۆ دیموکراسی'یان بەرزکردووەتەوە.
هاوسەرۆکانی شارەوانی خەلفەتی محمەد قەرەیلان و سانییە بایرام، هەروەها موحەمەد ئۆجالانی برای ڕێبەر ئاپۆ، پەرلەمانتاری ڕحای دەم پارتی فەرید شەنیاشار و خەڵکێکی زۆر بەشداری چالاکییەکە بوون.
ئێشکگری بەرخۆدان لە دەوروبەری شارەوانی بەردەوامە.
