دەوڵەتی تورک لەسەر سنووری باشووری کوردستان لە چیای جودی لە رێگەى جەردەوانێک بە ناوی حازم بابات دەستیکردووە بە بڕینەوەی داری دارستای چیای جودی و هەموو رۆژێک ٤٢٠ تۆن داری ئەو دارستانە دەبڕنەوە و دەیبەن بۆ لیوای سەربازیی بەستا.
بەپێی زانیارییەکان، دەوڵەتی تورک لە چیای جودی لە رێگەى جەردەوانێکەوە بە ناوی حازم بابات دەستیکردووە بە بڕینەوەى داری دارستانەکانی چیای دێرین و پیرۆزی جودی و هەموو رۆژێک بە لانیکەمەوە ٤٠٠ تۆن دار دەبڕنەوە و دارەکانیش دەبن بۆ ناو بنکەى سەربازیی لیوای بەستای سوپای تورکی داگیرکەر.
ئاماژە بەوەشکراوە، دارە بڕاوەکانی چیای جودی لەلایەن سەرەک جاشێک بە ناوی حازم بابات و براکەى بە ناوی کازم باباتەوە، لەو دابڕانە دەکڕێنەوە، کە بە پشتیوانیی دەوڵەتی و سوپاتی تورک و بەسەرپەرشتیی ئەو سەرەک جاشە و براکەی دەستیان بە بڕینەوەى دارەکان کردووە.
بەپێی ئەو زانیارییانە رۆژانە بەگشتی ٣٠ تراکتۆر و ٧٠ کەس کار لە بڕینەوەى و بردنی دارەکانی چیای جودیدا دەکەن.
ئەو ٣٠ تراکتۆرە هەموو رۆژێک هەر یەکەیان ٤ جار باری دار لە چیای جودی دەهێننەوە و هەر بارێکیشیان ٣ تۆن و ٥٠٠ کیلۆیە.
بەوەش رۆژانە ٤٢٠ تۆن دار لە چیای جودی دەبڕدرێتەوە و دارەکانیش دەبەن بۆ بنکەی سەربازیی لیوای بەستا.
ئاماژە بەوەش دەکرێت، ماوەی ٢ ساڵە بڕینەوە و قڕکردنی دارستان و لە ناوبردنی دارستانەکان بەو شێوەیە لەلایەن دەوڵەتى تورکەوە ئەنجام دەدرێت.
ژ.ت
