ئاهەنگی کۆتایی نەورۆز لە ئەڵمانیا لە شاری فرانکفۆرت بە درووشمی "ڕێبەرێتی ئازاد، کۆمەڵگەی دیموکراتیک" پیرۆز دەکرێت. لە بەرەبەیانەوە سات بە سات گەلی دەڕۆنە گۆڕەپانی پیرۆزباییەکەوە.
لە هەموو لایەکی ئەڵمانیا و وڵاتانی دیکەی ئەرووپاوە، بە دەیان هەزار کەس بەڕێدەکەون بۆ بەشداربوون لە پێرۆزباییەکانی ئاهەنگی نەورۆزی فرانکفۆرت. کوردستانیان و دۆستانیان بە ئۆتۆمبێلی تایبەتی خۆیان، شەمەندەفەر و ئۆتۆبوس دێنە گۆڕەپانی پیرۆزکردنەکە. بەشداربووان بە گوتنەوەی درووشم و جلوبەرگی کولتوورییەوە دەڕژێنە گۆڕەپانی ڕیسپی‌پارکی فرانکفۆرت.
گەل خاڵەکانی پشکنین تێپەڕ دەکەن و دەگەنە گۆڕەپانەکە. لە گۆڕەپانەکەدا دەنگی دەهۆڵ و زوڕنا گۆڕەپانەکەی جۆشداوە و گەل هەڵدەپەڕێت. بە بەردەوامی درووشمەکانی "بژی سەرۆک ئاپۆ" و "ژن، ژیان، ئازادی" دەگوترێنەوە. هەمووان لە چاوەڕوانی دەستپێکردنی بەرنامەکانی نەورۆزدان.
گۆڕەپانەکە بە ئاڵا و پانکارتە ڕەنگاوڕەنگەکانەوە ڕازێندراوەتەوە و هێندەی دیکە گۆڕەپانی نەورۆزی جوانترکردووە.
