گەریلا تیڤی ڤیدیۆی چالاکیی شاخی کۆخەى مەلا یەحیا و شاخی قەسرۆکی لە ناوچەى حەفتانین بڵاوکردەوە، کە لە رۆژانی ٢٧ی حوزەیران و ١ی ئایاردا لەلایەن هێزەکانی گەریلا لە دژی سوپای تورکی داگیرکەرەوە ئەنجامدرابوون.

ناوەندی راگەیاندن و چاپەمەنیی هێزەکانی پاراستنی گەل (هەپەگە) لەبارەی ئەو چالاکییانەوە رایگەیاندبوو:

"لە چوارچێوەی هەڵمەتی شۆڕشگێڕیی جەنگی خابووردا؛

چالاکیی یەکەم

هێزەکانی یەژاستارمان لە ٢٧ی حوزەیرانی ٢٠٢١دا لە کاتژمێر ٠٨:٣٠ دا سەربازانی تورکی داگیرکەریان لە کەشانی سەر بە شاخی مەلا یەحیا لە حەفتانین کردە ئامانج و چالاکییەکی کاریگەریان لە دژیان ئەنجامدا. لەو چالاکییەدا سەنگەرێکی گەورە بە تەواوەتی تێکشکێنرا و ٣ داگیرکەری تیادا سزادران. ئەو چالاکییە لەلایەن هێزەکانی یەژاستارمانەوە بە بۆنەى ساڵیادی شەهادەتی فەرماندەی فیدایمان هەڤاڵ زیلان (زەینەب کناجی) ئەنجام درابوو.

چالاکیی دووەم

لە ١ی ئایاری ٢٠٢١دا لە کاتژمێر ١٠:٠٠ دا هێزەکانمان لە دژی داگیرکەران لە ناوچەى پارتیزانی سەر بە شاخی قەسرۆک لە حەفتانین چالاکییەکیان ئەنجامدا. لەو چالاکییە کاریگەرەدا ٣ داگیرکەر سزادران و سەنگەرێک و ٢ کامێرای چاودێری و سیستمێکی رادار تێکشکێنران".

ژ.ت