هەپەگە ناسنامەی ٣ شەهیدی ئاشکرا کرد
هەپەگە ناسنامەی ٣ شەهیدی ئاشکرا کرد و وتی، "لەسەر رێچکەی شەهیدان، بەڵێن دوبارە دەکەینەوە کە ئامانج و خەیاڵیان بە تەئکیدی جێبەجێ دەکەین."
ناوەندی راگەیاندن و چاپەمەنی هەپەگە ناسنامەی ٣ گەریلای شەهیدی ئاشکرا کرد.
راگەیەنراوەکەی هەپەگە بەم شێوەیەیە:
"هاوڕێکانمان باوەر ئەروهـ و رۆنی دێرک ٢٤ی حوزەیرانی ٢٠٢١ لە هەرێمەکانی پاراستنی میدیا لە ئەنجامی بۆردوماندا شەهید بوون.
ناوسنامەی هاوڕێ شەهیدەکانمان بەم شێوەیەیە:
ناسناو: باوەر ئەروهـ
ناو و پاشناو: محەمەد ئەمین ئەکینجی
شوێنی لەدایکبوون: سێرت
دایک و باوک: فاتم و فەتحی
کات و شوێنی شەهیدبوون: ٢٤ی حوزەیرانی ٢٠٢١ / هەرێمەکانی پاراستنی میدیا
*
ناسناو: رۆنی دێرک
ناو و پاشناو: محەمەد شەفیق ئیبراهیم
شوێنی لەدایکبوون: دێرک
دایک و باوک: بوشرا و شەفیق
کات و شوێنی شەهیدبوون: ٢٤ی حوزەیرانی ٢٠٢١ / هەرێمەکانی پاراستنی میدیا
*
لە ئۆمەریان بە قاڕەمانێتی شەڕی کرد و شەهید بوو
هاوڕێمان جیلۆ رەشۆ ٥ی ئابی ٢٠٢١ لە گۆڕەپانی ئۆمەریانی مێردین لە شەڕی دژی سوپای داگیرکەری تورکدا بە قاڕەمانێتی شەڕی کرد و شەهید بوو.
ناسنامەی هاوڕێ شەهیدەکەمان بەم شێوەیەیە:
ناسناو: جیلۆ رەشۆ
ناو و پاشناو: سولەیمان ئوزتورک
شوێنی لەدایکبوون: مێردین
ناوی دایک و باوک: مەریەم و ئیبراهیم
شوێن و کاتی شەهیدبوون: ٥ی ئابی ٢٠٢١/ مێردین
هەپەگە لەگەڵ ئەوەی باسی لە خەبات و تێکۆشانی سێ شەهیدەکەی لە ریزەکانی تەڤگەری ئازادی کوردستاندا کردوووە، هەروەها وتی، "سەرەتا سەرەخۆشی خۆمان ئاڕاستەی خانەوادەی قاڕەمانی شەهیدەکانمان و گەلی وڵاتپارێزی کوردستانی دهێ، دێرک و نسێبین و هەموو گەلی کوردستانی وڵاتپارێز دەکەین. لەسەر رێچکەی شەهیدان، بەڵێن دوبارە دەکەینەوە کە ئامانج و خەیاڵیان بە تەئکیدی جێبەجێ دەکەین."
ف.ق
