تۆڕی مافەکانی مرۆڤی کوردستان بڵاویکردەوە، رۆژی یەکشەممە ١١ی ئاب ژمارەیەک کۆڵبەڕ لە ناوچەی سنووری دووپەزەی سەردەشت بە بێ هۆشداری پێشوەختە و لە مەودایەکی نزیکەوە لەلایەن هێزەکانی پاسەوانی سنوورەوە کراونەتە ئامانجی دەستڕێژی گولـلە.

راشیگەیاندووە، لە ئەنجامی ئەو تەقەکردنەدا کۆڵبەرێک بە ناوی عەلی رەسوڵی، تەمەن ٣٢ ساڵ گیانی لەدەستداوە.

روونیشیکردووەتەوە، ئەو کۆڵبەرە خێزاندارە و باوکی منداڵێکە و خەڵکی گوندی کورانی مەهاباد و دانیشتووی شارۆچکەی نەڵاسی سەردەشت بووە.