خانەسۆری شەنگال بۆردومان کرا
دوای بۆردومانکردنی چیای شەنگال و دامێنەکەى، فڕۆکە جەنگییەکانی دەوڵەتی تورک ٢ جار بۆردوومانی ناوچەی خانەسۆری شەنگالیان کرد.
کاتژمێر ٢٢:٠٠ دەوڵەتی تورکی داگیرکەر هێرشی بەرفراوانی کردە سەر شەنگال و کامپی پەنابەرانی شەهید ڕوستەم جودی (مەخمور) و گوندی تەقل بەقل لە دێریک.
بۆردومانی سەر شەنگال بۆ ماوەی زیاتر لە ٣ کاتژمێر بەردەوام بوو.
هەروەها ناحیەی خانەسۆری شەنگالیش ٢ جار و یەک لە سەر یەک بۆردومان کرا.
دەربارەی زیانەکانی ئەو بۆردومانە زانیارییەکی ورد لە بەردەستدا نییە.
ژ.ت
