لوقمان ئاسلان کە ٢٣ ساڵە لە گرتووخانەی ژمارە دووی ئاسایشی باڵای خارپێتی باکوری کوردستاندایە، بە تەلەفون لەگەڵ خانەوادەکەیدا قسەی کردووە و رایگەیاندووە کە پاسەوانەکان ١٥ گیراویان سزاداوە.

ئاسلان وتی، " خواردنیان زۆر خراپە. لە نانی بەیانیدا تەنیا دوو زەیتون، پارچەیەک پەنیر و نیو نانیان پێدەدرێت. هەموو شەوێک پاسەوانەکان هەڵدەکوتنە سەر قاوشەکان. هەندێک جار بە ئاوی فشارەوە دەستوەردان دەکەن. ئێمە نارەزایەتیمان دەربڕی. بۆیەش پاسەوانەکان من و ١٥ گیراوی دیکەیان ئەشکەنجەدا."

سوعاد ئاسلان برای لوقمان ئاسلان رایگەیاند، دوای دوو ساڵ دوو حەفتە لەمەوبەر توانیویەتی براکەی ببینێت و وتی، " بە تەنیا ٢٠ خولەک یەکمان بینی. گیراوان لەو شارانە دوور دەخەنەوە کە خانەوادەکانیان لەوێ دەژین. ئەمەش لەلایەک و لەلایەی دیکە هەموو رۆژێک ئەشکەنجە دەدرێن. ئێمە ئەو پێشێلکاریانە رەت دەکەینەوە. بانگەوازیمان بۆ بەرپرسان ئەوەیە کە لە چوارچێوەی یاساکاندا مامەڵە لەگەڵ گیراواندا بکەن."

ف.ق