لە ئۆپراسیۆنی قڕکردنی سیاسیدا، ٢٠ کەس بە ئەشکەنجە دەستگیرکران.

لە ئۆپەراسیۆنی قڕکردنی سیاسیدا سەرلەبەیانی ئەمڕۆ لە ئامەد نزیکەی ٢٠ کەس دەستگیرکران. پۆلیسی تورک هەڵی کوتایە سەر ماڵان و بە ئەشکەنجە چەندین کەسیان دەستگیرکرد. لە کاتی ئەشکەنجەدا بۆ ئەوەی دراوسێکیان نەیان بینن، دەرگاکانیان داخست.

پۆلیس چەندین کاتژمێر پشکنینیان لە ماڵان کرد و کەلوپەلی ماڵانیان شکاند.

لوتی کەسێکیان شکاند

راگەیەندرا کە پۆلیس لە کاتی ئۆپراسیۆنەکەدا، سوبحان ئورهان کامێرەمانی سیەمایان ئەشکەنجە کرد. لە هەمان کاردا موحسین ئاجاریش ئەشکەنجە درا. دەگوترێت لوتی موحسین ئاجار شکێندراوە و دەموچاوی ئاوساوە. خانەوادەی ئاجار وتی، " کاتێک دەرگامان کردەوە، پۆلیس هاتە ژوورەوە. ئێمەیان لەسەر زەوی راکێشاند. موحسینیان خستە ژوورێکەوە و ئێمە لە ژوورێکی دیکە بووین. دەنگی موحسین بیسترا. ئەو کاتە لوتیان شکاند. وتیان بڕیاری دەستگیرکردنی موحسین هەیە و بردیان. دوو کاتژمێر لەنێو ماڵەکەماندا دەستیان بە پشکنین کرد."

راگەیەندرا لەنێو ئەو کەسانەی کە دەستگیرکراون و ئەشکەنجە دراون ئەمانەن؛ " سوبحان ئورهان، مەزلۆم قاردەش، فەرماندار قاردەش، سوحبەت یلدز و موحسین ئاجار".

لەبارەی دۆسیەی دەستگیرکراوەکاندا، بڕیارێکی شاراوە دراوە.

ف.ق