هاوسەرۆکانی شارەوانی ئیلح گوڵستان سۆنوک و یەشیل ئیشیک کە قەیوم لە شوێنیان دانرا و ئەندامانی مەجلیسی شارەوانیش لەلایەن پۆلیسەوە ڕێگرییان لێ کرا بچنە ناو بینای شارەوانییەوە. جەماوەر کە لە چوارڕێیانی ڕاگەیاندن لە شەقامی ئامەد کۆبوونەوە، بە دووری ٥٠ مەتر لە شارەوانییەوە، لەلایەن پۆلیسەوە ڕێگرییان لێکرا. پۆلیس کە ڕێگرییان لە شارەوانی کرد، ڕێگەیان نەدا جەماوەر تێپەڕن بەبێ ئەوەی هیچ هۆکارێک بخاتەڕوو. سەبارەت بەمەش گوڵستان سۆنوک ڕایگەیاند، قەیوم و پۆلیس تاوان ئەنجام دەدەن. جەماوەرە دوای گفتوگۆیەکی زۆر، ئاستەنگییەکەیان شکاند و لەبەردەم مۆنۆمێنتی مافی مرۆڤ لە شەقامی گوڵستان ڕاگەیاندراوێکیان بڵاوکردەوە.

هاوسەرۆکی دەم پارتی ئێلح سۆنگول کۆرکماز لەوێ قسەی کرد و ڕایگەیاند کە قەیوم کاری نایاسایی کردۆتە یاسایەک، و دژی ئەم کارە نایاساییانە بەرخۆدان دەکەین.

پاشان هاوسەرۆکی شارەوانی گوڵستان سۆنوک قسەی کرد و ئاماژەی بەوەکرد کە ئەوان سەر بۆ هەڕەشەکانی پۆلیس نەوی ناکەن و دوای دانانی قەیومیش دژی دیموکراتیک بەردەوامن. گوڵستان سۆنوک وتی: "مافی خۆپیشاندانمان لە لایەن هەزاران پۆلیسەوە ڕێگری لێدەکرێت. ڕێگەنادەن بچینە نێو شارەوانی، لەکاتێکدا 65٪ ی دەنگەکانمان بەدەستهێناوە. باش دەزانین لە پشت بەربەستەکانی پۆلیسەوە چی ڕوودەدات. قەیومەکان کە شارەوانییان گەمارۆدا و پشتی بە پۆلیس بەستووە، ئاییندەی گەل خراپ دەکات. باش دەزانین چۆن ٣ ملیار قەرزیاندا. لە پشت بەربەستەکانی پۆلیسەوە، دزی و تاڵانکردن و لەناوبردنی کەلتووری هەیە. هەر بۆیە بەربەستیان داناوە."

گوڵستان سۆنوک ڕایگەیاند کە سیاسەتی دانانی قەیوم شکست دەهێنێت و وتی: "ئەوەی لە ڕێگەی سیاسەتەوە ناتوانن بەدەستی بهێنن، دەیانەوێت لە ڕێگەی دڕندەییەوە بەدەستی بهێنن. بە دزی دەیانەوێت پەیامێک بە گەلی کورد بدەن. ئێمە گەلی دێرینی ئەم خاکەین. ئەگەر ئەمڕۆ کورد لە بۆشایی ئاسمان هەر دەستکەوتێکی هەبێت، جارێکی تر هێرشی دەکەنە سەر. ڕۆژئاوای ئەمڕۆ نموونەی ئەمەیە. کورد دەزانێت ڕۆژئاوا و ئێلح یەکن و بەو هۆشیارییەوە پاراستنی خاک دەپارێزن. لە دژی ئەو کەسانەین کە شووناس و کەلتوور و زمان و بوونی ئێمە قبوڵ ناکەن".

ڕاگەیاندراوەکە بە بەرزکردنەوەی دروشمی "بژی بەرخۆدانی کوردان"، "قەیوم تاڵانییە، بەرخۆدان ژیانە" و "ژن، ژیان، ئازادی" کۆتایی هات.

دوای ڕاگەیاندنراوەکەه هاوسەرۆکانی شارەوانی و ئەندامانی مەجلیسی شارەوانی لە شەقامەکانی سیگۆرتا و کۆماندۆ سەردانی کاسبکارانیان کرد. هاوسەرۆکانی شارەوانی بە دروشمی "ژن، ژیان، ئازادی" و گوڵ پێشوازیان لێکرا.