پۆلیس لەبەردەم شارەوانی ئێلح هێرشی کردە سەر ئەو جەماوەرەی کە بەمەبەستی شەرمەزارکردنی قەیوم گردبوونەوە. پۆلیس سەرەتا بە گازی فرمێسکڕێژ و ئاوی تیژ هێرشی کردە سەر جەماوەر و بەو هۆیەوە تێکهەڵچوون ڕوویدا. جەماوەر لە چەندین شوێن بەربەستیان دانا و دژی پۆلیس بەرخۆدانیان کرد، ڕووداوەکان لە شەقامەکانی شارەکە تەشەنەی کرد.

پەیامنێری ژن نیوز پەلشین چەتین کایا کە لە کاتی هێرشەکەی پۆلیسدا هەواڵەکانی دەگواستەوە، لێی درا و دەستبەسەر کرا. پۆلیس لە کاتی دەستبەسەرکردنیدا، چەتین کایایان بەسەر زەویدا ڕاکێشا. هاوکات کارمەندی ڕۆژنامەی یەنی یاشام وەیسی ئاکورەن دەستبەسەر کرا.