ڕۆژنامەنووس نوژیان ئەرهان ڕۆژی ٣ی ئاداری ٢٠١٧، لە ئەنجامی هێرشی هێزەکانی پارتی دێموکراتی کوردستان بۆ سەر کۆمەڵگای ئێزدی، لەسەر ڕێگای نێوان سنونێ - خانەسۆر بە سەختی بریندار دەبێت، لە ٢٢ی ئاداری ٢٠١٧ شەهید بوو.

ئێوارەی دوێنێ شەهید نوژیان لە حەوتەمین ساڵیادی شەهیدبوونیدا، لە سەر گۆڕەکەی لە گۆڕستانی شەهید دڵگەش و بەرخۆدان لە چیای شەنگال، لەلایەن ڕۆژنامەنووسانی شەنگال و ئەندامانی تاژێ یادی کرایەوە. لەلایان هاوڕیان و دایکانی شەنگالەو گوڵیان لە سەر مەزارەکەی دانا و بەیاننامەیەک خوێندرایەوە.

سەرەتا بە ناوی تاژێیەوە، خۆخە جندی ڕایگەیاند کاتێک پەدەکە و دەوڵەتی تورک یەکیان گرت و هاتنە سەر سنونێ، ئەوکات نوژیان ئەرهانیش لە سنونێ بوو و وتی: "ئێمەش باسی ئەو فەرمانەمان بۆ کرد کە چی ڕوویدا ئەو ڕۆژە. هاوڕێمان نوژیان پێش فەرمان و دوای فەرمان هەموو شتەکانی لێدەپرسین. گرنگ نییە ئێستا چی بڵێین، هاوڕێ نوژیانەکان بۆ ئێمەی ئێزدی تێکۆشانی زۆریان کردووە. هەموو شەهیدانی ئازادی و ٧٤ فەرمانم لە کەسایەتی هاوڕێ نوژیان لەبیرە و لە شوێن پێی شەهیدانمان دەڕۆین."

بە ناوی چاپەمەنی ئازادی ژنانی ئێزدی (راژە) نوژین ئێزدی قسەی کرد و وتی: "من شەهید نوژیانم لەبیرە بە خۆشی و فیداکارییەوە چووە شەنگال بۆ ئەوەی ڕاستی فەرمانەکە بۆ هەموو جیهان نیشان بدات. هەڤاڵ نوژیان بە خۆڕاگرییەکی زۆرەوە ئازار و بەرخۆدانی ژنانی ئێزدی پیشانی هەموو لایەک دا. ئێمە لە شوێنکەوتوانی شەهید نوژیانین کە دوای شەهیدبوونی دەستمان بە چالاکی وتێکۆشان کرد، ویستمان دەنگی حەقیقەتی کۆمەڵگاکەمان بین و بگەیەنینە هەموو جیهان. پێش فەرمانەکە لە شەنگال هیچ ڕاگەیاندنێک نەبووە بۆ ئەوەی ڕاستی کۆمەڵگاکەمان پیشان بدات، بەڵام دوای فەرمانەکە، لەگەڵ هاتنی بیر و بیرۆکەی ڕێبەر ئاپۆ، لێرەدا ڕاگەیاندنی ئازاد دامەزرا، ڕاستی فەرمانەکە و کۆمەڵگاکەمان بە هه‌موو جیهان نیشان دەدرێت.